Jólahugleiðing 2004

Jólahugleiðingu ársins 2004 finnur þú undir liðnum Pistlar, eða ferð beint þangað hér.

Jólasagan með augum barnanna

Þessi jólasaga er ritgerð eftir barn í grunnskóla og er um Jesús frá sjónarhóli barna:

Sá sem hefur orðið frægastur úr Biblíunni er Jesús. Hann var frá Nazaret í Egyptalandi. Hann fæddist á jólanótt í fjósi, vegna þess að öll hótel voru full. Mamma hans hét María og stjúppabbi hans Jósef. Hann var ekki raunverulegur pabbi Jesú, því María var áður gift einhverjum Gabríel, en hann var floginn í burtu.

Þegar Jesús var nýfæddur áttu þrír jólaveinar leið fram hjá fjósinu og........

Ef þú vilt lesa meira þá finnur þú framhald sögunnar undir liðnum Jólatenglar, eða ferð beint þangað hér.

Ljós og myrkur

Fyrir nokkrum árum síðan þegar yngsti sonur minn var fjögurra ára og við vorum á leið heim eftir að ég hafði sótt hann á leikskólann sem hann var í, þá sagði hann hugsi við mig: "Pabbi, veistu að þeir sem eru með brún augu, þeir sjá allt í brúnu". Mér fannst þetta skemmtileg athugasemd, enda drengurinn mjög hugsi yfir þessu, svo ég spurði hann til baka: "En þeir sem eru með græn augu"? Þeir sjá allt í grænu", sagði hann hróðugur svona eins og hann hefði gert mikilvæga uppgötvun. "En þeir sem eru með blá augu eins og þú sjálfur", spurði ég hann. Hann varð hugsi litla stund en sagði svo með öruggri röddu: "Þeir sjá bara venjulega". Ég verð að játa að mér fannst þessir þankar drengsins mjög skemmtilegir og spurði hann: "En þeir sem eru með grá augu"? "Þeir sjá allt í gráu", það var ekki laust við að tónninn í röddinni lýsti hugsuninni, "pabbi ertu ekki að fatta þetta". "En þeir sem eru með svört augu", sagði ég. Hann hugsaði sig um eitt augnablik en sagði svo: "Svört augu, þeir sjá bara svart, þeir eru blindir og sjá ekki neitt".

Framhald þessarar frásagnar finnur þú undir liðnum Pistlar, eða ferð beint þangað hér.

Aldurinn

Við Sigrún komum við í 10/11 í gær eftir að hafa sprengt okkur út á aldeilis frábæru jólahlaðborði ásamt starfsmönnum Samhjálpar á veitingahúsinu Argentínu. Við vorum að sjálfsögðu vel klædd og virðuleg til fara, hæfði tilefninu. Ekki veit ég hvort okkar virðulegi klæðnaður var ástæðan, ekki gat það verið rúnum rist andlitin, þar sem okkur finnst við svo ungleg en þegar við höfðum lokið við að greiða fyrir mjólkina handa litlu börnunum okkar, rétti afgreiðslumaðurinn, nánast barn að aldri, okkur segulborða með jólasveinum á og sagði: "Má ekki bjóða ykkur svona borða handa börnunum," leit á okkur og hélt áfram, "eða barnabörnunum." Barnabörnunum, hvað hélt hann eiginlega að við værum gömul maðurinn, kannski fjörutíu og eitthvað..............

Við gengum út og ég sagði við Sigrúnu, "heyrðir þú hvað strákurinn sagði?" "Já, hann sagði barnabörnunum," sagði Sigrún og var ekki laust við að sársauka gætti í röddinni. "Erum við svona ellileg," spurði ég. "Ekki ég í það minnsta," sagði Sigrún. Við gengum þegjandi að bílnum og settumst inn. "Heyrðu Edgar á afmæli á morgun" sagði ég, "já," sagði Sigrún. Við brostum og athugasemdir afgreiðslumannsins fuku út í veður og vind. "Pældu í því hann er orðinn 23ja ára," sagði ég, "já tíminn líður," sagði Sigrún og móðurlegur svipur færðist á andlit hennar, augun urðu fjarræn og gott ef ekki mátti sjá lítinn nýfæddan dreng er hvíldi í örmum móður sinnar fyrir hartnær 23 árum speglast í augum hennar.

Nú er strákurinn okkar orðinn fullorðinn maður og ekki bara fullorðinn, heldur giftur maður, giftur frábærri stelpu, henni Guðrúnu okkar dóttur hans Hafliða og hennar Steinu. Það er nú svolítið gaman að segja frá því að Guðrún á afmæli 13. desember, þannig að þau hjónakornin geta haldið sín afmæli saman. Svo má enn bæta því við að mamma hennar á afmæli 12. desember og bróðir Guðrúnar á svo sama afmælisdag og hún (þau eru ekki tvíburar). Já mikil afmælisdagahrúga það.

Elsku Eddi minn til hamingju með daginn, orðinn 23ja ára "pjakkurinn." Já aldurinn færist yfir, sennilega sá drengurinn í búðinni sannleikann um aldur okkar speglast í andlitum okkar hjónanna.

Ræninginn

Fékk þessa sögu senda og má til með að deila henni með ykkur. Því miður skilar sagan sér ekki nema á ensku:

An elderly woman had just returned to her home from an evening of Church services when she was startled by an intruder. She caught the man in the act of robbing her home of its valuables and yelled, "Stop! Acts 2:38! Repent and be baptized, in the name of Jesus Christ so that your sins may be forgiven." The burglar stopped in his tracks. The woman calmly called the police and explained what she had done. As the officer cuffed the man to take him in, he asked the burglar, "Why did you just stand there? All the old lady did was yell a scripture to you." "Scripture?" replied the
burglar. "She said she had an Ax and Two 38's!"

Slúður

Samkvæmt nýrri rannsókn um það hvað fólk talar um í vinnunni þá lítur listinn svona út í réttri röð:

Konur:

1. Vinnan
2. Fréttir
3. Frí
4. Yfirmaðurinn
5. Börn
6. Mat
7. Sjónvarpsdagskrána
8. Síðustu- og næstu helgi
9. Samstarfsmenn
10. Menning

Karlar:

1. Vinnan
2. Fréttir
3. Yfirmaðurinn
4. Samstarfsmenn
5. Sjónvarpsdagskrána
6. Íþróttir
7. Frí
8. Síðustu- og næstu helgi
9. Laun
10. Þjálfun

Heimild: www.vr.is

Samkvæmt listanum slúðra því karlar meira. Ég kannast náttúrulega ekki við það og vil því hvetja kynbræður mína til þess að hætta þessu slúðri, að ég tali nú ekki um yfirmanninn, það er náttúrulega bara hneyksli.

Baráttan

Það er betra að berjast fyrir "einhverju" en lifa fyrir ekkert.
Patton hershöfðingi

Árangur

Að ná árangri er ekki endirinn, að gera mistök er ekki banvænt.
Það sem skiptir máli er kjarkurinn til að halda áfram.
Winston Churchill