Kotmót

Nú nýlega er afstaðið Kotmót 2003. Það er mjög misjafnt hvernig við upplifum hina ýmsu atburði í lífinu okkar og eins og sjá má á athugasemdunum hér fyrir neðan, á það einnig við Kotmót.

Ef að þú varst á mótinu, þá væri fróðlegt að vita hvernig þú upplifðir mótið.

Ég læt hér fylgja með nokkrar athugasemdir sem ég heyrði:

* Ég er enn á bleiku skýi!
* Það var talað um Jesú allan daginn, yndislegt!
* Hávaði!
* Engin nærvera!
* Mjög fínt!
* Prédikarinn ekki góður!
* Prédikarinn góður!
* Best var nálægðin við fólkið!
* Sýning, ekki lofgjörð!
* Besta mótið!

Á þessari upptalningu sjáum við að það er afar misjafnt hvernig við upplifum hlutina. Oftast fer upplifunin eftir því hvernig okkur líður sjálfum. Ef upplifun okkar var neikvæð, gætum þess að dæma það ekki þannig að þá hafi Guð sjálfur verið fjarverandi. Hvað um alla hina sem upplifðu hlutina jákvætt? Sem upplifðu nálægð Guðs og snertingu hans Heilaga Anda? Var það allt tilbúningur? Ég segi nei! Hvers vegna? Jú ég veit út frá sjálfum mér að oft hefur upplifun mín farið eftir því hvernig ég hef sjálfur verið stefndur.

Tölum út blessun!

Nýr Heimur

Það hefur stundum verið sagt að nánir einstaklingar s.s. eins og maki, að þeir geti lesið hugsanir manns.

Víst er það þannig að með árunum lærum við að þekkja okkar nánustu og læra hvað hin ýmsu táknmál svipbrigða og líkamstjáningar þýða.

Því er það áhugavert að kynnast hugsunum og hugrenningum þeirra sem við þekkjum meira eða minna, hér á blogginu. Við þurfum ekki að lesa tjáningarmál líkamans, aðeins kíkja á bloggið og lesa hvað viðkomandi hugsar.

Skemmtilegt, en vonandi hverfur ekki leyndardómurinn.

Hvað t.d. með þöglu típuna sem er svo leyndardómsfull og spennandi. Svo komumst við að því ,í gegnum bloggið, að þögnin stafar af því að viðkomandi hefur ekkert að segja. :-)

Kannski ekki fyrir þér, en fyrir mér er bloggið nýr heimur.