Byggð um Suðurbæi, Viðfjörð
og Hellisfjörð fór í eyði fyrir
og um 1955. Bæjaröðin er þessi: Barðsnes,
Gerði (Barðsnesgerði), Gerðisstekkur,
Stuðlar, Borg, Viðfjörður, Hellisfjörður
og Sveinsstaðir í Hellisfirði og liggur
hlaupaleiðin um tún flestra eyðibýlanna.
Í Viðfirði var áður
höfuðból og mjög reimt. Þar
stendur reisulegur bær frá 1938 sem Guðjón
Samúelsson arkitekt teiknaði. Þjóðleiðin
til Neskaupstaðar lá yfir Dys og út
í Viðfjörð til 1949 en þá
var lagður vegur yfir Oddsskarð. Voru bílar
og farþegar ferjaðir með bát frá
Viðfirði til Neskaupstaðar.
Barðsnessögur
Hér eru nokkrar sögur hlaupara úr Barðsneshlaupinu.
Barðsneshlaup hefur verið hlaupið í meira
en áratug og því ekki að undra að
menn og konur hafi frá einu og öðru skemmtilegu
að segja, í óbundnu sem bundnu máli.
Þorlákur Axel Jónsson
„Við hlauparar ræddum það á
eftir að þegar maður byrjar að villast, þá
heldur maður áfram að villast og það
var það sem gerðist. Fyrst lenti ég inni
í girðingu þar sem var ekki bara ein stika
heldur tugir eða hundruð slíkra, lenti á
rafmagnsgirðingu og vippaði mér yfir hana, fann
stikur á ný og stefndi "fram í Norðfjarðarsveit",
sem var það eina sem ég vissi um framhaldið.“
Lesa
Kristinn Pétursson
„Minn helsti bömmer úr fyrra hlaupinu var einmitt
þegar ég var kominn upp á gjötuhjalla
Hellisfjarðarmúlans og sá yfir Norðfjörðinn
yfir til Neskaupstaðar og fannst að nú væri
stutt eftir. En það er nú öðru nær,
því fyrst er að hlaupa niður fjallið,
sem er erfiðasti leggur leiðarinnar að mínu
mati, inn fjörðinn, yfir Norðfjarðarána
og svo upp á veg sem leið liggur inn í bæinn.
Þetta gerir um 10 km sem eins gott er að gera ráð
fyrir!“ Lesa
Trausti Valdimarsson
„Við Bjartmar náðum fljótlega forustu
í hlaupinu, en sáum alltaf einhvern nokkur hundruð
metra fyrir aftan. Upp Götuhjallann þreyttist ég
en Bjartmar var léttur að vanda og náði
góðu forskoti. Á drykkjarstöðinni
hæst uppi á Hellisfjarðarmúla birtist
ungur piltur skyndilega - 17 ára fótboltastrákur;
Þorbergur Jónsson.“ Lesa
Hópur hlaupara frá Hreyfingu
„Siglingin yfir að Barðsnesi með björgunarbátnum
Hafbjörginni var ævintýri líkust og
einhver skemmtilegasta og óvanalegasta aðkoma að
hlaupi í okkar minnum. Báturinn var of stór
til að geta lagst að bryggju, svo ferja varð mannskapinn
á minni bát í land og var það
ekki til að draga úr ævintýramennskunni.
Á bryggjunni tók Ingólfur hlaupafélagi
og húsráðandi á Barðsnesi á
móti hópnum með miklum myndarbrag og bauð
öllum heim í hús þar sem menn gerðu
sig klára.“ Lesa
TÍMARNIR
Tímar í Barðsnes-
og Hellisfjarðar-
hlaupi 2001 til 2012:
BARDSNES
OFF ROAD RUN
The
Bardsnes off road run is an annual 27 km adventure race
in East-Iceland, held in and around the town of Neskaup-stadur
the first Saturday in August. Read
more
FRÉTTIR
7.
ágúst 2007 Nýtt met
í Barðsneshlaupi:
tvegga stunda múrinn hruninn!
Barðsneshlaup og Hellisfjarðarhlaup voru hlaupin
laugardaginn 4. ágúst s.l. í mildu
veðri. Aldrei áður hafa jafn margir tekið
þátt; 28 hlauparar voru skráðir
í og luku Barðsneshlaupi; 13 hlauparar í
Hellisfjarðarhlaup. Tólf hlupu Barðsnes
undir þremur tímum. Meira
SÖGUR
ÚR HLAUPINU
„Sjö
km inn í Viðfjörð, sex inn í
Hellisfjörð, þó nokkrir km upp Götuhjallann
og þaðan hellingur í bæinn. Svona
skiptir maður leiðinni upp og reynir að áætla
hversu hratt megi hlaupa svo maður drífi alla
leið.“ Lesa
UMSAGNIR
„Það voru þreyttir
en ánægðir menn sem báru saman
bækur sínar í heitu pottunum að
hlaupi loknu. Var það almennur rómur
okkar, sem vorum að þreyta þetta hlaup
í fyrsta sinni, að þetta væri eitthvert
skemmtilegasta og fjölbreyttasta hlaup sem við
hefðum tekið þátt í.“
Meira
HAGNÝTAR
UPPLÝSINGAR
Gisting Tvö hótel eru í
Neskaupstað, en einnig ókeypis tjaldsvæði
með ágætri þjónustu. Hótel
Capitano býður Barðsneshlaupurum sérstakan
afslátt af gistingu. Meira
„Sjö
km inn í Viðfjörð, sex inn í
Hellisfjörð, þó nokkrir km upp Götuhjallann
og þaðan hellingur í bæinn. Svona
skiptir maður leiðinni upp og reynir að áætla
hversu hratt megi hlaupa svo maður drífi alla
leið.“ 
