@ infó   s&s

... BARÐSNESHLAUP ... HELLISFJARÐARHLAUP ... SKRÁNING ... BESTU TÍIMAR ... FRÉTTIR ... SÖGUR ... UMSAGNIR ... AÐSTANDENDUR ... SPURT & SVARAÐ ... MYNDIR ... VÍDJÓ ... PODCAST BARÐSNESBÍÓ Viðtal við Þorberg Barðsneskóng STYRKTARAÐILAR Fjölmargir koma að skipulagningu Barðsneshlaupsins. Hér eru nefndir helstu styrktaraðilarnir: Íslandsbanki Rúmfatalagerinn SÚN Fjarðasport Neistaflug Ölgerðin Björgunarsveitin Gerpir Hlaup.is Sundlaugin í Neskaupstað SAGAN Byggð um Suðurbæi, Viðfjörð og Hellisfjörð fór í eyði fyrir og um 1955. Bæjaröðin er þessi: Barðsnes, Gerði (Barðsnesgerði), Gerðisstekkur, Stuðlar, Borg, Viðfjörður, Hellisfjörður og Sveinsstaðir í Hellisfirði og liggur hlaupaleiðin um tún flestra eyðibýlanna. Í Viðfirði var áður höfuðból og mjög reimt. Þar stendur reisulegur bær frá 1938 sem Guðjón Samúelsson arkitekt teiknaði. Þjóðleiðin til Neskaupstaðar lá yfir Dys og út í Viðfjörð til 1949 en þá var lagður vegur yfir Oddsskarð. Voru bílar og farþegar ferjaðir með bát frá Viðfirði til Neskaupstaðar. Spurningar & svör Get ég tekið þátt í Barðsneshlaupi? Já, því ekki það ef þú kemst ómæddur (eða ómædd) fram úr rúminu, fram í tölvu að skrá þig í hlaupið. Það er hins vegar skemmtilegra að vera í þokkalega góðu líkamlegu ástandi þannig að þú getir í það minnsta hlaupið og skokkað á víxl. Barðsneshlaupið er óvenju fjölbreytt og skemmtilegt hlaup sem breiður hópur fólks á öllum aldri getur tekið þátt í, því þú getur hlaupið eins og þú eigir lífið að leysa eða bara gengið og skokkað á víxl; hvort tveggja skilar þér örugglega í mark samdægurs (óþarfi að taka tjaldið með!). Ég nenni ekki að hlaupa 27 km! - Eru önnur hlaup í boði? Nema hvað! Til að sem flestir geti notið þess að taka þátt í skipulögðu hlaupi um náttúruna hefur verið komið á hálfu Barðsneshlaupi, sk. Hellisfjarðarhlaupi sem er 13 km hlaup sem hlaupið er frá Hellisfirði sömu leið og í Barðsneshlaupinu fyrir Hellisfjarðarmúlann inn í Norfjörð og út til Neskaupstaðar; þ.e. sömu leið og í seinni hluta Barðsneshlaupsins. Hvað er Barðsneshlaup? Barðsneshlaup er 27 km víðavangshlaup sem hlaupið er frá Barðsnesi sunnan Norðfjarðarflóa til Neskaupstaðar um firðina þrjá er ganga inn úr flóanum - Viðfjörð, Hellisfjörð og Norðfjörð. Hvað er Hellisfjarðarhlaup? Hellisfjarðarhlaup er 13 km hlaup sem hlaupið er frá Hellisfirði fyrir Hellisfjarðarmúlann inn í Norfjörð og út til Neskaupstaðar; þ.e. sömu leið og í seinni hluta Barðsneshlaupsins. Hvernig er hlaupabrautin? Barðsneshlaupið er víðavangshlaup um fjölbreytt land, móa, mýrar, fjörur og tún. Fyrstu sjö kílómetrana er hlaupinn gamall traktorsruðningur, þá kinda- og hestagötur en síðustu 4,5 kílómetrarnir eru malbikaður þjóðvegur. Hlaupaleiðin er merkt stikum og símastaurum. Nokkur hækkun er í hlaupinu. Farið er yfir Viðfjarðarnes í 80 metra hæð og Götuhjalla í 197 metrum. Ekki er mikið um eggjagrjót eða hættur vegna bratta, en Götuhjallinn Norðfjarðarmegin (niðurleið) er brattur vel. Í botnum fjarðanna eru straumlitlar ár með malarbotni. Viðfjarðará er brúuð en aðrar ár þarf að vaða. Norðfjarðará getur orðið óvæð og er þá ferjað yfir. Hvernig kemst ég yfir á Barðsnesið frá Neskaupstað fyrir hlaupið? Þar sem hlaupið byrjar á Barðsnesi utanvert í Norðfjarðarflóanum eru hlauparar ferjaðir þangað fyrir hlaupið frá Neskaupstað þar sem hlaupið svo endar. Lagt er frá Bæjarbryggjunni, sem er beint fyrir neðan Hótel Egilsbúð, klukkustund fyrir start. Siglingin er innifalin í skáningargjaldi. Hvað ef ég þjáist af sjóveiki og kemst því ekki sjóleiðina yfir á Barðsnes? Fyrir þá hlaupara sem ekki hugnast að sigla út að startinu er í boði sérstakt 2fyrir1 Barðsneshlaup. Þá hlaupa menn og konur út í Barðsnes fyrir startið og svo til baka eftir start en greiða aðeins fyrir aðra leiðina. Hvort á ég að byrja hlaupið í fyrra eða seinna hollinu? Startað er í tveimur hollum til að hlauparar komi jafnar í mark. Þeir sem telja sig verða lengur en þrjá tíma að hlaupa leiðina ættu að leggja á stað með fyrra hollinu. Venjulega er startað frá Barðsnesi kl. 10 og 11. Sigling frá Neskaupstað klukkutíma fyrir start. Hvað með heilsugæslu í hlaupinu? Björgunarsveitin Gerpir hefur séð um að ferja þátttakendur, aðstoð og öryggiseftirlit frá sjó. Læknar og hjúkrunarfólk Fjórðungssjúkrahússins í Neskaupstað annast heilsugæslu. Eru drykkjarstöðvar á leiðinni? Drykkjarstöðvar með vatni og íþróttadrykkjum eru á fjórum stöðum; í Viðfirði, Hellisfirði, á Götuhjalla og í Norðfjarðarsveit. Vatn víða að hafa á leiðinni úr fjallalækjum og því gott að hafa ílát meðferðis. Hver er Norðfirðingurinn þindarlausi? Síðustu árin hefur ungur Norðfirðingur, Þorbergur Jónsson, sigrað í Barðsneshlaupinu með töluverðum yfirburðum. Á þeim árum sem Þorbergur hefur hlaupið hefur hann bætt tíma sinn mikið. Árið 2007 rauf hann svo tveggja stunda múrinn þegar hann lauk hlaupinu á 1:57:55. Þrátt fyrir að góðir og reyndir langhlauparar hafi gert atlögur að þessum besta tíma hlaupsins hefur hann ekki enn verið bættur og Þorbergur sigraður og því eiga hlauparar landsins enn það skemmtilega og ögrandi verkefni eftir að sigra heimamanninn. Hvenær byrjaði Barðsneshlaupið og hvert er upphaf þess? Það var Ingólfur Sveinsson, læknir og upphafsmaður hlaupsins, sem hljóp þessa leið skipulega í fyrsta skipti við fjórða mann sumarið 1997. Ingólfur er ættaður frá Barðsnesi. > Fleiri spurningar? Sendu okkur fyrirspurn hér. TÍMARNIR Tímar í Barðsnes- og Hellisfjarðar- hlaupi 2001 til 2012: velja ár 2001 2002 2003 2004 2005 2006 2007 2008 2009 2010 2011 2012 BARDSNES OFF ROAD RUN The Bardsnes off road run is an annual 27 km adventure race in East-Iceland, held in and around the town of Neskaup-stadur the first Saturday in August. Read more FRÉTTIR 7. ágúst 2007 Nýtt met í Barðsneshlaupi: tvegga stunda múrinn hruninn! Barðsneshlaup og Hellisfjarðarhlaup voru hlaupin laugardaginn 4. ágúst s.l. í mildu veðri. Aldrei áður hafa jafn margir tekið þátt; 28 hlauparar voru skráðir í og luku Barðsneshlaupi; 13 hlauparar í Hellisfjarðarhlaup. Tólf hlupu Barðsnes undir þremur tímum. Meira SÖGUR ÚR HLAUPINU „Sjö km inn í Viðfjörð, sex inn í Hellisfjörð, þó nokkrir km upp Götuhjallann og þaðan hellingur í bæinn. Svona skiptir maður leiðinni upp og reynir að áætla hversu hratt megi hlaupa svo maður drífi alla leið.“ Lesa UMSAGNIR „Það voru þreyttir en ánægðir menn sem báru saman bækur sínar í heitu pottunum að hlaupi loknu. Var það almennur rómur okkar, sem vorum að þreyta þetta hlaup í fyrsta sinni, að þetta væri eitthvert skemmtilegasta og fjölbreyttasta hlaup sem við hefðum tekið þátt í.“ Meira HAGNÝTAR UPPLÝSINGAR Gisting Tvö hótel eru í Neskaupstað, en einnig ókeypis tjaldsvæði með ágætri þjónustu. Hótel Capitano býður Barðsneshlaupurum sérstakan afslátt af gistingu. Meira Vefhönnun & umsjón: MÍNERVA - miðlun og útgáfa | vefstjóri: kristinn@minervamidlun.is Vertu vinur Barðsneshlaupsins á Facebook