Kínverskt máltæki

Það er kínverskt máltæki sem segir að lifi maður í svartnættinu, þá verði maður svartur en lifi maður í ljósinu (hinu jákvæða og góða), þá verði maður hvítur.

Að lifa í áhyggjum og svartnætti vegna ástandsins í þjóðfélaginu, ástandi sem við ráðum ekkert við, er einungis til þess fallið að auka við kvíða og andlega þjáningu. Jesús sagði okkur að hafa ekki áhyggjur af morgundeginum, heldur skyldum við leita Guðs ríkis og hans réttlætis og þá mundi allt veitast okkur auki (Matteus 6 kafli). Jesús er hið sanna ljós sem í heiminn kom (Jóhannes 1 kafli), leitum þess ljóss sem í honum er. Ávöxtur þess er friður og fögnuður.