Lífgefandi

Við kunnum að hafa ýmsar spurningar í huga okkar varðandi menn og trúarleg málefni. Þegar við leitum svara og eða tjáum okkur, er tvennt sem við skulum hafa hugfast:

1. Beinum sjónum okkar til Jesú, höfundar og fullkomnara trúarinnar. Heb. 12:2
2. Þú skalt elska náunga þinn eins og sjálfan þig. Markús 12:31 (Jesús)

Leitast við að vera augliti til auglitis við Drottinn Jesú Krist og leyndardómur hans undursamlega kærleika, þar sem engin takmörk eru að finna, mun umvefja huga þinn og hjarta frá nútíð til eilífðar. Drottinn þráir náin samskipti við þig, hann hvíslar stöðuglega í eyru þín vísdómi sínum og náð. Hlusta! Hann vill fylla munn þinn því sem græðir og læknar, það er hans vilji að frá munni þínum flæði lækir lifandi vatns, að gnægtir hjarta þíns veiti svölun örmagna sál. Að á fundum þínum öðlist hinn þróttlitli kraft og svífi þöndum vængjum, borin áfram í faðmi hins himnesaka Föður er þráir að umvefja hvert mannsbarn með sínum undursamlega kærleika.

Guð blessi þig kæri samferðamaður, set rætur þínar við lind Heilags Anda, fyll hjarta þitt af þeim gnægtum er nærvera hans gefur og orð þín munu gefa líf.