Kotmót

Ég var svo lánssamur að leggja leið mína á Kotmót um síðustu Verslunarmannahelgi. Naut hverrar mínútu, allt frá fimmtudagskvöldi og fram á mánudagsmorgun. Allt mótshaldið, skipulagning, undirbúningur, utanumhald og samkomur, voru skipuleggjendum, tæknimönnum, tónlistarfólki, ræðumönnum, sem og öllum sem tóku þátt, til mikils sóma. Ekki má heldur gleyma þeim smiðum og verkafólki sem lagði nótt við dag til þess að gera okkur öllum mögulegt að taka þátt í þessari frábæru hátíð.

Ég þakka kærlega fyrir mig og mína og sérstaklega það frábæra framtak að setja samkomurnar á netið og gera þær þannig aðgengilegar. Þó að þær hafi allar verið hverri annarri betri, langar mig sérstaklega benda aðdáendum ljúfra tóna á stund með Færeyingum kl. 13 á laugardeginum og Söngvastund með Hafliða Kristinssyni kl. 14 á sunnudeginum.

Upptökurnar má finna á heimasíðu Fíladelfíu, filadelfia.is , einnig má fara beint þangað HÉR. Heimasíða Kotmóts er: 123.is/kotmot/