Nýtt hlutverk

Þegar við Sigrún hófum búskap fyrir tuttugu og eitthvað árum (vá hvað tíminn er fljótur að líða), var ákveðið hlutverk afar fjarri. Sennilega var ekki einu sinni hugsað um það, enda við upptekin við að koma okkur upp heimili, byggja hús og sinna barnauppeldi. En tíminn líður og þetta hlutverk er ekki aðeins í ótiltekinni framtíð, heldur dagsett. Áætlað þann 21. mars 2006 mun líta dagsins ljós fyrsta afa og ömmubarnið okkar Sigrúnar. Við erum sem sagt að verða afi og amma, ótrúlegt en satt (finnst okkur). Þó svo að ég verði giftur ömmu eftir 21. mars, bíð ég eftir þessu hlutverki með óþreyju og hlakka mikið til. Og það sem meira er, við vitum hvort það verður strákur eða stelpa. Við í strákafjölskyldunni munum................ skrollaðu niður ef þú vilt vita meira........



munum ekki lengur verða strákafjölskylda, heldur mun lítil Edgars- og Guðrúnardóttir bætast í hópinn. :)