Landssamtök hjólreiðamanna fagna þeim breytingum
sem fyrirhugaðar eru á göngustígnum meðfram
Miklubraut til móts við Fram svæðið. Það
er hins vegar mikilvægt að bæta tengingu stígsins
að norðanverðu (sjá athugasemd "A" í viðhengi).
Þar sem stígurinn tengist núverandi stíg lendir
hann í lægð í landslagi. Þarna er ævinlega
mikill snjór og klaki á veturna auk þess sem tæki
eiga þar í erfiðleikum með snjóruðning.
Því mælumst við til þess að stígurinn
taki beina stefnu alla
leið að gatnamótum Kringlumýrarbrautar - Miklubrautar.
Landssamtök hjólreiðamanna gera alvarlegar athugasemdir við leiðir sem eru teiknaðar sunnan Miklubrautar. Þar stefir greinilega allt í óefni þar sem stígurinn á eftir að verða ein samfelld slysagildra. Við leggjum til að óþarfa þverunum yfir akbrautir og hlykkjum á stígnum verði fækkað um helming svo hann nýtist til samgangna og verði óvörðum vegfarendum örugg leið. Í stuttu máli þá leggjum við til að annað hvort leiðir B eða C verði að veruleika (sjá viðhengi).
Landssamtök hjólreiðamanna vilja funda um frekari útfærslu þessara framkvæmda hið fyrsta svo ekki verði gerð stórfelld mistök á þessum stað. Það er mikilvægt að Miklubrautin sé ekki aðeins samgönguæð vélknúinna farartækja heldur líka óvarinna vegfarenda svo auka megi vægi vistvænna samgangna.
Að lokum viljum við benda á athugasemd sem Landssamtökin
sendu frá sér þann
18. september 2000 og tengist þessu máli.
http://www.islandia.is/lhm/BrefLHM/athsMB180900.html
Kveðja, með von um skjót viðbrögð,
f.h. Landssamtaka hjólreiðamanna
Magnús Bergsson
Landssamtök Hjólreiðamanna
Pósthólf 5193
125 Reykjavík
Netfang: lhm@islandia.is
Sími/bréfsími: 5620099 (hjá Ísl.
fjallahjólaklúbbnum)
Veffang: http://www.islandia.is/lhm
Eintök þessa bréfs send til:
Ingimundur Sveinsson akitekt
Ragnhildur Skarphéðinsdóttir landslagsarkitekt
VSO ráðgjöf
Vegagerð ríkissins
Samgöngunefnd Reykjavíkurborgar
Sigurður I. Skarphéðinsson gatnamálastjóri
Árni Þór Sigurðsson skipulags- og bygginganefnd
Rvk.