Landssamtök hjólreiðamanna
Pósthólf 5193
125 Reykjavík
Reykjavík 18. september 2000
Til Skipulags-og umferðarnefndar Reykjavíkur
Athugasemd vegna breikkunar Miklubrautar milli gatnamóta Kringlumýrarbrautar og Grensásvegar.
Seinustu ár hefur hjólreiðafólki fjölgað töluvert í Reykjavík. Þær endurbætur sem borgin hefur staðið fyrir með lagfæringum á gangstéttarfláum hefur nýst byrjendum til hjólreiða ágætlega. En betur má ef duga skal því göngustígar henta ekki til samgangna eins og þeir hafa verið hannaðir fram til þessa. Á vefsíðu Reykjavíkurborgar stendur:
Það er stefna Reykjavíkurborgar að samgöngur verði greiðar og öruggar fyrir alla. Efldar verði vistvænar samgöngur s.s. almenningssamgöngur, hjólreiðar og gangandi umferð. Stuðlað verði að notkun sparneytinna ökutækja og hreinna orkugjafa í borgarumferðinni.
Auk þess stendur:
Hlutur göngu- og hjólreiðastíga í umferðarkerfinu verði efldur, þannig að stígarnir verði ákjósanlegur samgöngumáti. Til að tryggja öryggi vegfarenda er víða gert ráð fyrir undirgöngum/göngubrúm þar sem stofnstígar liggja yfir stofnbrautir.
Ef af þessu á að verða þá verður að gera öllum samgöngum jafnt undir höfði. Hjólreiðar á göngustígum Reykjavíkur eru hvorki greiðfærar né öruggar þar sem þeim er blandað við gangandi umferð auk þess sem bifreiðar hafa allan forgang í samgöngum og í hönnun umferðamannvirkja borgarinnar.
Miklubrautin er miðsvæðis í borgini og því hafa göngustígarnir mikið verið notaðir af hjólreiðafólki sem leið hafa átt í austur-vestur Reykjavík. Seinustu framkvæmdir við Miklubraut milli Grensásvegar og Reykjanesbrautar hafa fyrst og fremst miðast við að koma bifreiðum án hindrana um Miklubraut. Þar hefur slitlag stíga meðfram Miklubrautinni verið lagfært en um leið hafa vegalengdir lengst allt að þriðjung vegna fjölda beygja umhverfis mislægu gatnamótana við Réttarholtsveg. Þetta er í hrópandi andstöðu við yfirlýsta stefnu Reykjavíkurborgar. Landsamtök hjólreiðamanna telja því nauðsynlegt að ekki verði gerð frekari mistök við hönnun stíga við Miklubraut.
Mikilvægar breytingar.
Breikka þarf stíginn úr núverandi 2,5metra
í 4metra eða svo lengi sem breidd stígsins fyrir hjólandi
sé ekki minni en 2 metrar.
Skipta þarf stígnum greinilega milli hjólandi og
gangandi svo réttur vegfarenda sé ótvíræður.
Mikilvægt er að fyrirhugaður stígur sé
skilgreindur sem aðalbraut. Því þarf að vara
akandi umferð við gangandi og hjólandi umferð með
tilheyrandi skiltum og merkingum.
Lyfta verður stígnum allstaðar um nokkra sentimetra
svo að vatn renni síður yfir hann eða haldist á
honum.
Meðfylgjandi eru ljósrit fyrirhugaðra framkvæmda með innfærðum breytingum eftir númeraröð. (Sjá neðar)
Athugasemd við stiginn sunnan Miklubrautar
1. Ferðini er heitið frá Kringlumýrarbraut til
austurs. Þar verður að endurnýja og breikka
slitlagið þar til komið er að aðrein að Kringlunni.
2. Á merktri göngubraut sem þar verður þarf
að hækka stiginn svo hann verði jafnhár stígnum
og virki sem hraðahindrun fyrir bifreiðar. Auk þess sem þar
þarf að setja upp merki sem varar ökumenn við gangadi
og hjólandi umferð þar sem ökumenn ættu tvímælalaust
að virða aðalbrautarétt. Þar má heldur
ekki breita stefnu stígsins meira en svo að hann taki beina
stefnu að brúnni.
3. Breikka þarf brúna svo stígurinn nái
4 metrum. Fjarlægja þarf bolta og rær úr
vegriðinu sem snúa að stígnum og setja þar
hlíf/leiðara svo að staurarnir valdi sem minnstum skaða
ef strokist er við það.
4. Við aðreinina að bensínstöðini tekur
stígurinn beina stefnu suður undir afgreiðsluskúr
stöðvarinar. Þar verður á sama hátt og
í lið 2 stígurinn hækkaður í samræmi
við hæð stígsins.
5. Á malbikuðu plani vestan bensínstöðvarinnar
verður stígurinn gerður greinilegur.
6. Skúr sem stendur sunnan við bensínstöðina
þarf að hliðra til.
7. Á akrein frá bensínstöðvarplani verður
stígurinn hækkaður upp samkvæmt lið 2.
8. Í framhaldi af því taki stígurinn beina
stefnu að akrein sem liggur frá Kringluni inn á Miklubraut.
Þar fari hann aðeins einu sinni yfir akreinina auk þess
sem hann verði hækkaður upp eins og í lið 2.
9. Ekki höfum við neitt út á stigin að setja
að Háaleitisbraut en teljum mikilvægt að stígnum
sé lyft upp úr umhverfi sínu um 10-20 cm þar
sem búast má við að þarna verði bæði
blautt og snjóþungt vegna hljóðmanarinar. Brúnir
á stígöxlum meiga þó ekki vera krappar
því það getur valdið slysum.
10. Gerð verði göng undir Háaleitisbraut með
sem ódýrustum hætti svo af þeim geti orðið.
Leggjum við til að göngin verði sem líkast
því sem Vegagerðin framkvæmdi í Grafningi
norðan við Heiðarbæ við Þingvallavatn. Notast
verði við rör sem beygt verði á þann hátt
að stígurinn verði sem breiðastur án óþarflega
mikillar lofthæðar.
11. Tengistígar til norðurs og suðurs meðfram Háaleitisbraut
verða að hafa mýkri beygjur.
12. Sama gildir um tengistíga austan við Háaleitisbraut
og að vestanverðu.
13. Stígurinn milli Háaleitisbrautar og Grensásvegar
þarf litlar breytingar. Aðeins þarf að lyfta stígnum
samanber lið 9 og taka af honum óþarfan hlikk.
14. Við gatnamótin verður stígurinn að liggja
beint yfir Grensásveg í beinni línu við stígin
handan götrunnar. Á þeirri leið verður “göngu/hjólabrautin”
að vera tvískipt eins og annarsstaðar þ.e.a.s. aðgreind
fyrir gangandi og hjólandi. Skýrar stöðvunarlínur
verði settar á stíginn auk sérstakra umferðaljósa
fyrir hjólandi umferð sem eru samtengd umferðaljósum
fyrir bíla. Rautt, gult og grænt. Ljós fyrir
gangandi umferð hafi hreinsunartíma. Rautt og grænt. Mikilvægt
er að setja upp gult blikkandi beigjuljós fyrir akandi umferð
sem tekur hægribeigju af Miklubraut inn á Grensásveg
. Það sama gildir um akandi umferð af Grensásvegi
inn á Miklubraut .
15. Stöðvunarlínur fyrir bíla á Grensásvegi
verði færðar lengra frá gatnamótum eða
3 metra frá “göngu/hjólabrautini” Umferðarljós
verði tekin niður handan götunar en hinsvegar sett upp við
stöðvunarlínur á þann hátt að bifreiðar
fari ekki yfir stöðvunarlínu.
Athugasemd við stiginn norðan Miklubrautar
16. Ferðini er heitið frá Grensásvegi til vesturs.
Mikilvægt er að leggja stígin yfir Grensásveg eins
og sagt er frá í lið 14.
17. Mikilvægt er að lagfæra umferðarljós
fyrir akandi umferð eins og sagt er frá í lið 15.
18. Stígurinn milli Grensásvegar og Háaleitisbrautar
er líklega ekki á góðum stað þar sem
gera má ráð fyrir að þar sé snjóþyngra
en á gamla staðnum. Fyrirhuguð staðsetning gefur þó
möguleika á meira skjóli og næði frá
umferðarhávaða. Mikilvægt er að lyfta stignum
eins og sagt er frá í lið 9
19. Leitað verði allra leiða til að koma stígnum
í göng undir Háaleitisbraut eins og í lið
10. Ef ekki reynist nægilegt rými til staðar þá
verði stígurinn lagður eins og tilgreint er í liðum
14, 15
20. Stígurinn frá Háaleitisbraut vestur að
aðrein að Kringlunni er eins og sagt er frá í lið
18.
21. Stað þess að stígurinn liggi sunnan við
bensínstöðina þá liggi hann norðan við
hana og framhjá umferðaslaufuni að kringluni. Þannig
má koma í veg fyrir stórhættulegar þveranir
stígsins við akbrautir. Ekki þarfað breikka
brúna eða fjarlægja bolta úr vegriði eins og
sagt er frá í lið 3 auk þess sem slysahætta
við biðskýli SVR verður úr söguni.
Það er afskaplega mikilvægt að staðið verði
vel að þessum framkvæmdum og að vistvæn umferð
gangandi og hjólandi verði gert jafn hátt undir höfði
í öllum framkvæmdum. Talið er að rúmlega
80% slysa á hjólreiðafólki meigi rekja til lélegrar
hönnunar umferðamannvirkja. Það er fyrirsjáanlegt
að breikkun Miklubrautar mun auka enn frekar á loft- og háfaðamengun,
umferðarhraða og um leið á slysahættu.
Það er því mjög mikilvægt að skerpa
á umferðareglunum og gera þær sýnilegar en
ekki láti það viðgangast að það geti
verið mat hvers eins hverju sinni. Helsta slysahætta hjólreiðafólks
er árekstur við bíla og því er ekkert umferðamannvirki
fullklárað nema tillit hafi verið tekið til allra þátta
þ.á. m.til umferðaröryggis annara vegfarenda. Við
hvetjum framkvæmdaraðila til að sýna uppbyggingu stígana
sömu virðingu og sjást mun í framkvæmdargleði
og við breikkun hraðbrautarinar. Það er afskaplega mikilvægt
að ekki dragast á þriðja ár að gera nothæfan
stíg eins og raunin varð á meðfram Miklubrautini
frá Grensásvegi að Reykjanesbraut. Auk þess er
það mikilvægt að stígarnir verði ekki lokaðir
bæði að norðan og sunnanverðu á meðan
framkvæmdir standa yfir.
Frekari upplýsingar um ástand stíga í Reykjavík
er að finna vefnum.
http://www.mmedia.is/~ifhk/umferd/inngang.htm
http://www.mmedia.is/~ifhk/pistlar/pg-rvk00.htm
F.h. Landsamataka Hjólreiðamanna
Magnús Bergsson varaformaður
Afrit sent til:
Borgarstjóra Ingibjargar Sólrúnar Gísladóttur
og Samgöngunefndar alþingis
