Reykjavíkurborg kynnti uppfært kort af stígakerfi höfuðborgarsvæðisins á hjóladeginum 17.september. Þar hefur verið tekið tillit til margar athugasemda sem hafa borist vegna fyrstu útgáfu kortsins.

Endurskoðun er þó hvergi nærri lokið. Sendið því áfram inn athugasemdir svo kortið nýtist sem best á komandi árum. 

Sendið póst til LHM

--  Sjáið 2. útgáfu kortsins --

Reykjavík (pdf 3 Mb)

Höfuðborgarsvæðið (pdf 3.4 Mb)

Kort gefið út í tilefni Samgönguviku í Reykjavík 2005  (pdf 7Mb)

Athugasemdir um hjólreiðastíga.

Mér finnst vanta gangbraut yfir afrein af Bústaðavegi í suður hjá brúnni yfir Bústaðaveg, þarna er heljar umferð bíla og hjólareiðamenn og gangandi í vandræðum með að komast yfir á álagstíma. Það eru gangbrautarmerki en engin gangbraut eða ljós. Gangstétt vestan Kringlumýrarbrautar liggur að þessum stað og heldur áfram suður með Kringlumýrarbraut að Gesthúsi Dúna.

Einnig er enginn stígur úr Hæðarseli á nýja stíginn frá Lambaseli og sá nýi stígur tengist hvergi stígakerfi Kópavogs þar uppfrá.

Kveðja, E P E

Hjólað í vinnuna - samgönguvika

Sael

Gaman ad skoda tessi stigakort sem eru til. Eg er nykomin heim ur frabaerri hjolaferd medfram Dona og tad er otrulegt ad sja hve vidtaekt net hjolastiga er ordid i Austurriki og madur skilur ekki hvernig yfirvold a Islandi hafa komist upp med ad draga svona lappirnar ad baeta adstaedur hjolafolks og hunsad algerlega ta hugmynd ad hjolid se skynsamlegt samgongutaeki. Eg myndi vilja sja hjolastiga gerda samhlida stofnbrautum um landid, svo sem eins og leidinni milli Mosfellsbaejar og Reykjavikur. To ad tad se fint ad hjola medfram sjonum til Reykjavikur fra Mosfellsbae ta vaeri gott ad geta valid styttri leid ef madur er a leid i vinnuna. Eg hafdi samband vid Vegagerdina og Mosfellsbae i fyrra og spurdist fyrir um hvort tetta vaeri ekki i bygerd nu tegar taekin voru til stadar til ad byggja upp veginn, en badir tessir adilar tjadu mer ad tad vaeru engar hugmyndir i ta att. Somuleidis maetti setja markid a ad leggja hjolastig tannig ad hjolreidafolk geti farid ,,Gullna hringinn" an tess ad vera i lifshaettu vegna umferdar storra vorubila. Helst vildi eg hjolastig um allt land, en tar sem tad er liklega ekki raunhaeft gaeti Gullni hringurinn verid byrjunin og eitthvad sem vaeri haegt ad markadssetja beint til ferdafolks sem er ad heimsaekja Island!

Besta kvedja,
J S

Athugasemdir varðandi hjólreiðastíga borgarinnar
Góðan daginn kæri viðtakandi.

Ég verið á hjóli síðastliðin þrjú ár og það er eitt sem truflar mig aðalega.
Það er þetta sambland af göngu og hjólreiðastígum. Ég held að það þurfi að aðskilja þetta með skýrari hætti en nú er gert ef hjól á að verða það samgöngutæki sem það ætti í raun að vera þar sem það er bæði heilsusamlegt og sparar bensín. Ég hef séð að það má oft ekki miklu muna að stórslys verði þegar hjól og gangandi vegfarandi mætast. Þegar ég var til að mynda með ungt barn þá þorði ég ekki að nota göngustígana eftir að maður á línuskautum var nærri búinn að hjóla barnið mitt niður. Ég hef einnig heyrt af slysum sem verða þegar hundar mæta hjólum. Þá eiga þeir það til að flækja ólina í hjólunum.

Með kveðju frá einni svolítið áhyggjufullri

A R

Athugasemdir

Góðan daginn

Ég vil gjarnan koma áleiðis athugasemd frá mínum vinnufélögum, sem búa í Kópavogi og Hafnarfirði, en hún er að það vantar betri tengingu við nágrannasveitarfélögin. Þ.e. Hafnarfjörður - Garðabær - Kópavogur - Reykjavík.
Ég sjálf er hins vegar ótrúlega ánægð með þá leið sem ég hjóla, þ.e. meðfram Laugardalnum og í gegnum allan Elliðaárdalinn, fínir hjólastígar á þeirri leið og frábært að fara þar um í sumar þegar vinnuskólakrakkarnir höfðu hreinsað stígana.


Bestu kveðjur,
M G

Leiðakerfi höfuðborgarsvæðisins

Sæl þið sem þennan póst lesið. Að ætla að gera athugasemdir við þennan óskapnað er ekki vinnandi vegur. Þessi stóryrði get ég rökstutt með eftirfarandi athugasemdum.

1.  Breidd stíganna á kortinu er ekki undir sex metrum, trúlega nærri átta metrum, á jörðu niðri, með því móti eru allar leiðinlegar þrengingar og vinkilbeygjur sniðnar af.
Eitt gott dæmi er að á kortómyndinni er sýndur breiður og greiður stígur framan við Landspítala Háskólasjúkrahús við Hringbraut en raunin er að breidd stígarins, sem beinast liggur við að fara þegar upp úr undirgöngum undir Snorrabraut er komið, er aðeins ein og hálf gangstéttarhella c.a. 60 sm. þar sem stígurinn skáskýtur sér framhjá strætisvagnaskýlinu á miðri leiðinni. Auðvitað væri hægt að fara yfir á gangstéttina sunnan við Gömlu Hringbraut en það er verulegur hlykkur auk þess sem þar þarf að þvera allmikla umferðaræð.

2.  Á kortdruslunni er talað um Aðalstíg og tengistíg en hvergi getið um hver sé munur á þessu tvennu, hvað þá að hver sé umferðarréttur þeirra sem eftir stígunum fara.

3.  Upplýsingagildi kortsins er ekkert!!!! Sýnir í raun aðeins legu höfuðborgarsvæðiðisins og á ákaflega grófan hátt hvernig götur og stígar liggja, ekki hvort þeir séu færir eða nothæfir hjólreiðafólki.

4.  Verði gefin út næsta vetur, tímasett mokstursáætlun sem hægt sé að tengja við kortið þá má segja að einhver not sé hægt að hafa af því, ef það verður ekki gert er betra að sleppa þessari útgáfu og nýta fjármunina í eitthvað annað þarfara.

Með góðum kveðjum og von um betri tíð og bættum hjólasamgöngum, Ó Þ
 

Leiðakerfi höfuðborgarsvæðisins

Ég vona bara að í þetta sinn sé raunverulegur ásetningur allra sem vinna að þessu máli að bæta hjólreiðasamgöngur í borginni. Hingað til hef ég ekki orðið vör við það. Nú eru komnir ágætir hjólreiðastígar til skemmtihjólreiða, s.s. eins og við Ægissíðu og við sjóinn við Grandana, en mér finnst afar erfitt að nota hjólið sem samgöngutæki. Víðast hvar þarf maður að velja milli þess að hjóla á gangstéttinni eða götunni. Persónulega vil ég ekki hjóla á götunni því mér finnst ég ekki vera örugg. Sumir staðir eru þó erfiðari en aðrir, t.d. Síðumúlinn, þar sem varla er þorandi að hjóla á götunni í austurátt þar sem alltaf má eiga von á því að bíll bakki út úr stæði. Mér finnst heldur ekki rétt að hjóla á gangstéttum, sérstaklega þar sem margir gangandi vegfarendur fara um. Það sem þarf eru sérstakir hjólreiðastígar AUK gangstétta, þar sem því verður komið við. Þannig er það í útlöndum...

Mig langar líka að benda á tvo staði sem ég veit um sem þarf að laga. Í fyrsta lagi er það leiðin milli Reykjavíkur og Hafnarfjarðar, sem ég stefni á að fara einhvern daginn, en ekki fyrr en búið er að leggja SAMFELLDAN hjólreiðastíg alla leið! Það verður líka að vera stígur BEGGJA MEGIN vegarins og hann þarf að liggja STYSTU LEIÐ. Oft þarf að leggja á sig krók til að komast á leiðarenda. Hvernig á ég t.d. að komast yfir eða undir Kópavogsbrúna án þess að leggja mig í lífshættu? Stígurinn liggur út allt nesið!

Í öðru lagi, þar sem eru tröppur á göngustígum verður að vera brekka líka, eins og t.d. við Valsheimilið. Þar þarf að stoppa og leiða hjólið upp tröppur! Það getur ekki verið mikið mál að malbika smá brekku við hliðina á tröppunum.

Að síðustu vil ég minnast á það að kortið er ekki mjög skýrt. Það eru engin götunöfn nema allra stærstu gatnanna og því hef ég ekki hugmynd um hvar þessir hjólreiðastígar liggja, sér í lagi tengistígarnir. Hvað merkir það, annars, "tengistígur"?

Kveðja, Þ.B.Þ.

Aths. við hjólreiðakort höfuðborgarsvæðisins

Eftirfarandi eru mínar athugasemdir við hjólreiðakort höfuðborgarsvæðisins og við notkun hjóla sem samgöngutæki á höfuðborgarsvæðinu.

Almennt varðandi samgöngur hjólreiðamanna á höfuðborgarsvæðinu.
1.  Hjólreiðar eru samgöngur en ekki bara tómstundir. Um þær gilda sömu lögmál og um aðra umferð að flestu leyti. Markmið samgangna í huga notandans er að komast sem fljótast milli tveggja staða með sem minnstri fyrirhöfn. Þar af leiðir að hjólreiðamaður sem á kost á beinni leið meðfram hraðbraut með háværri umferð og mengun, eða krókóttum stígum í fögru umhverfi, velur í 9 af 10 skiptum beinu leiðina meðfram hraðbrautinni vegna þess að hún er fljótlegri.
2.  Setja þarf almenn markmið um hraða samgangna með hjólum milli staða eftir fyrirhuguðu stígakerfi t.d. markmið um tíma milli staða eða meðalhraða milli staða. Athugið að bein leið milli staða býður upp á meiri meðalhraða milli staða heldur en krókótt leið.
3.  Setja þarf umferðarreglur sem gilda um umferð gangandi og hjólandi á stígunum og kynna þær. Bæta þarf umferðarmerkingar á stígunum og setja upp umferðarskilti. Laga þarf öryggi t.d. með því að hafa nógu gott útsýni við stígamót og einnig gæti verið gott að hafa skiptingu stígs í blindbeygjum, svipað og þekkist í vegakerfinu, og hringtorg á stígamótum. Sumstaðar þarf að fjarlægja runnagróður sem hefur verið settur of nálægt stígamótum og blindbeygjur á stígunum. Óvissa ríkir um umferðarreglur þannig að aldrei er að vita hvort vegafarendur eru hægra eða vinstra megin á stígum þegar blindbeygjur er teknar og gróður hindrar útsýni. Lýsing þarf að vera nægjanleg á stígunum til að hindra árekstra við gangandi.
4.  Við framkvæmdir þurfa merkingar að vera nægilega góðar til að hætta stafi ekki af holum og hlutum á stígunum í myrkri. Lýsing er nauðsynleg.
5.  Fræðsla þarf að vera betri til vegfarenda á stígunum. Hjólreiðamenn þurfa að taka sig á í öryggisbúnaði. á hjólum sínum. Allir þurfa að hafa ljós og bjöllu t.d. Bjöllur þarf að nota að staðaldri í blindbeygjum, við gatnamót og þegar farið er fram úr.
6.  Bæta þarf skjól við stígana einkum þegar fjær dregur þéttri byggð. Engin ástæða er til að láta stígana vera á bersvæði. Prófið stíginn í Laugardal framhjá Húsdýragarðinum. Af hverju eru ekki allir stígar á höfuðborgarsvæðinu svona? Lengi hefur verið talað um græna trefilinn í útjaðri höfuðborgarsvæðisins. Hvernig væri að huga að grænu húfunni líka og klæða umferðarauðn höfuðborgarsvæðisins í grænu húfuna. Gróðursetja tré og runna á umferðareyjum og helgunarsvæðum stofnbrauta og á slaufum og krúsídúllum stofnbrautakerfisins. Allir sem eitthvað vit hafa á útivist vita að húfa er svo mikið betri en trefill.
7.  Rigning, vindur eða brekkur er engin hindrun fyrir hjólreiðar á höfuðborgarsvæðinu. Þið finnið ekki einn reyndan hjólreiðamann sem er þeirrar skoðunar. Þar sem byggð er dreifð s.s. í úthverfum og nýbyggðum hverfum getur vindur verið vandamál en það er hægt að leysa með þéttari byggð og aukinni skógrækt. Slakar samgöngur milli sveitarfélaga og fjarlægðir á höfuðborgarsvæðinu draga úr notkun hjóla til samgangna úr og í vinnu, Fjarlægð frá nærþjónustu innan sveitarfélaga s.s. dagvöruverslana er líka farartálmi fyrir daglega notkun. Mikilvægt er að koma matvöruverslun aftur út í hverfin svo hægt sé að kaupa daglegar nauðþurftir í eigin hverfi. Úr því íslenskar verslunarkeðjur geta ekki þjónustað íbúana nema með okurbúðum (10-11, 11-11, Nóatún, Strax) ætti að kappkosta að fá erlendar keðjur til þess.
8.  Samgöngur milli sveitarfélaganna hafa verið að skána nokkuð. Hætt er þó við að þær verði aldrei fullnægjandi þar til hægt er að nýta helgunarsvæðin meðfram þjóðvegum í þéttbýli til að leggja stíga þar um og í gegnum slaufur og mislæg gatnamót. Ríki og sveitarfélögin á höfuðborgarsvæðinu þurfa að ganga í takt og gera þetta mögulegt. Ekki er hægt að kenna um kostnaði því kostnaður við stofnbrautir fyrir hjól meðfram þjóðvegunum í þéttbýlinu er einungis brot af kostnaði við ein mislæg gatnamót.

Athugasemdir við kort og stíga í einstökum sveitarfélögum.
Reykjavík
1.  Rétt er að malbika malarstíg milli Víkurvegs og Stórhöfða meðfram Vesturlandsvegi N megin.
2.  Á kortinu er sýndur malbikaður stígur í gegnum lóð Mjólkursamsölunnar frá Höfðabakka niður á Dragháls. Þessi stígur er malarstígur en rétt er að malbika hann eins og sýnt er á kortinu.
3.  Til mikill bóta væri að hafa stíg milli Öskjuhlíðarstigs frá Flugvallarvegi að Hringbraut við brú yfir að Læknagarði. Leiðin liggur um ónotað svæði sem auðvelt er að leggja stíg um.
4.  Sumstaðar í Reykjavík eru ennþá gamlar steyptar gangstéttir sem eru orðnar mjög sprungnar og hættulegar yfirferðar. Ég nefni t.d. meðfram Kringlumýrarbraut V megin frá Miklubraut að Hamrahlíð. Einnig t.d. meðfram Kringlumýrarbraut A megin frá Bústaðavegi og inn í Kópavog.
5.  Stígur liggur að hluta meðfram Stekkjarbakka frá Höfðabakka en tekur enda. Þessi stígur er ekki á kortinu en er nauðsynlegur og þarf að tengja hann við göngubrú yfir Reykjanesbraut við Bleikargróf.

Mosfellsbær
1. Sýnd er tenging frá Skarhólabraut neðan við Hlíðartún að stíg sem liggur undir Vesturlandsveg. Þessi tenging er ekki fyrir hendi.
2. Það vantar að sýna tengingu milli Langatanga og Þverholts um göngustíg SA við Hlaðhamra.
3. Stígur „meðfram“ Vesturlandsvegi úr Mosfellsbæ til Reykjavíkur er sýndur á hitaveitustokknum. Þessi leið hentar alls ekki sem hjólreiðaleið nema fyrir ofurhuga. Þessi sveitarfélög ættu að vera í samstarfi við Vegagerð Ríkisins um að malbika vegaxlirnar á Vesturlandsvegi almennilega. Þar er pláss fyrir hjól og það er sú leið sem flestir hjólreiðamenn velja í dag milli Mosfellsbæjar og Reykjavíkur. Eftir því sem slaufum og mislægum gatnamótum fjölgar meðfram veginum þarf að gera ráð fyrir alvöru stíg meðfram veginum einnig í slaufuskipulaginu.
4. Kominn er vegtenging milli Vesturlandsvegar og Korpúlfstaðavegar. Rétt er að hafa hjólastíg meðfram honum og hann er e.t.v. fyrirhugaðar en ekki kominn.

Kópavogur
1.  Á korti er sýnt að sé malbikaður stígur frá Reykjavík að Nýbýlavegi A við Hafnarfjarðarveg. Sá stígur hefur aldrei verið malbikaður og er í augnablikinu ekki fyrir hendi vegna framkvæmda.
2.  Sýndur er malbikaður stígur meðfram Smárahvammsvegi frá Smáralind að Arnarnesvegi. Þessi stígur nær ekki alla leið. Það vantar síðasta stubbinn að Arnarnesvegi og hefur gert í mörg ár. Nauðsynlegt er að klára hann.

Á D

Ég er með fáeinar ábendingar varðandi hjólastígakort:

1.   Ofan við golfvöllinn í Grafarholtinu er kominn mjög góður steyptur stígur, en í framhaldi af honum er malarstígur sem nær að hringtorginu við nýja Morgunblaðshúsið
2.   Góðir malarstígar liggja upp af Grafarholtinu, bratta brekkan við hitvaveitutank, sem heldur áfram í átt að Rauðavatni og sameinast stígunum þar
3.    Góður malarstígur liggur undir hamrana í Hamrahverfi í Grafarvogi og kemur upp hjá Gufunesbænum, einnig er hægt að halda áfram að áburðarverksmiðjunni í Gufunesi og koma upp þar fyrir ofan.

Vona að þetta gagnist eitthvað.


Kveðja,
S K B
 

Breytingar á kortinu

Þetta eru myndir sem ég tók í gær á ferð minni um nýja bryggjuhverfið í Garðabænum. Þessi stígur er ekki merktur inn á kortið en mætti gjarnan að mínu mati vera það. Ég setti rautt "X" á kortið þar sem mynd 002 er tekin. Og svo svart "X" þar sem 004 er tekin og sýnir hvar stígurinn endar svo sorglega. En þetta er byggingasvæði og ég trúi því að þetta svæði fái fallegan frágang þegar framkvæmdum ljúki. 005 er svo tekin af stígnum hinu megin við framkvæmdasvæðið til austurs.

Bleiku hingirnir eru athugasemd; þessi "stígur" er meira gangstétt sem liggur inn á leiksvæði við grunnskólann öðrumegin. Og stígur út af leiksvæðinu hinumegin. Mér finnst það afleitt að merkja "Gulan" stíg í gegnum leiksvæði á milli rólu og vegasalts. Mér finndist nær að merkja þennan "Gula" stíg þar sem ég hef teiknað bleika línu inná. Það ætti samt að vera græn merking því þarna er hjólað í umferð eða gengið á gangbraut.
 

Kveðja F.

Athugasemd við önnur útgáfu kortsins af stígum höfuðborgarsvæðisins.

Mig finnst furðulegt að sjá enn að Laugavegurinn sé teiknaður sem hjólaleið, án athugasemda. Þarna má ekki hjóla á móti umferð. Að hjóla með umferðina er mjög erfitt eins og staðan er núna, því bílarnir fara svo hægt, en eru stundum til hægri og stundum til vinstri á akbrautina, sitt á hvað..

Aftur á móti held ég að hjólarein eftir Laugavegi sem væri fyrst og fremst ætluð fyrir hjólreiðar á móti umferð gæti verið gæfuspor. Að leyfa hjólreiðar á móti umferðar, og gera öllum grein fyrir því, fækkaða slysum til dæmis í Brussel.

Svo verð ég að nefna að sjálfsagt sé fyrir hjólreiðamann að nota Hverfisgötu og halda áfram yfir/í gegnum Hlemm og svo taka Laugaveginn austur. En það er alls ekki gert ráð fyrir því. Þetta er núna hentug, en óþægileg leið, þar sem menn ekki eiga von á hjólreiðaumferð. En það er ekki raunhæft að reikna með að hjólreiðamenn munu ekki fara þarna um.

Af hverju er aldrei talað við hjólreiðamenn áður en verkin eru boðin út ?


Kveðja,
M.L.
 

Þið voruð að biðja um ábendingar um stígakort sem þið ætlið að gefa út. Mig langar til að benda á nokkur atriði.

1. Það er ekki kominn neinn stígur á milli Arnarnes og Kópavogs. Það er alvarlegt að gefa í skin að hann sé kominn þannig að fólk leggi sig ekki í hættu við að fara þessa leið.

2. Hornið á Fífuhvammsvegi og Arnarnesvegi er alveg ófrágengið og núna er verið að moka allt í sundur þannig að það er ekki víst hvenær og hvort að þessi gatnamót komist í almennilegt horf. Þarna eru 3. aðilar sem þurfa að vinna saman með frágang, Kópavogsbær, Garðabær og Vegagerðin.

3. Þar sem stígur nr. 8 kemur úr Garðabæ að Fjarðarhrauni er ekki tenging og langt er í næsta stíg þannig að það þarf að hjóla eftir götunni niður að Hafnarfjarðarvegi eða upp að Fjarðakaupum. Þessi ótenging er búin að vera svona í allavega 5. ár þannig að það þarf að merkja þennan stíg að hann sé varasamur því að hann endar í ekki neinu.

4. Það er verið að vinna við stíg sem byrjar við endann á Álfheimum og liggur í gegnum Skeifuna og endar við göngubrúna sem er við Hagkaup og liggur yfir Miklubraut. Það gæti verið ágætis stígur ef það væri ekki svo mikið klúður með tenginguna upp á brúna. Það eru gerðar tröppur þar upp í staðin fyrir að hafa halla uppá göngustíginn sem liggur meðfram Miklubraut og þá væri hægt að fara upp á brúna þar.

5. Það er fínn frágangur á stígnum sem liggur meðfram Miklubraut við Faxafen 8-10. Það er góður rampur þar niður að bílaplaninu en svo er oft ekki hægt að notfæra sér þann stað því að það er alltaf lagt bílum við enda rampsins þannig að það er stórvarsamt að komast þar niður. Lausnin væri að blokkera eitt bílastæðið þannig að betra væri að komast niður.

6. Sama á við gangbraut yfir Suðurlandsbraut við Reykjaveg. Þegar að farið er yfir Suðurlandsbrautina í áttina að Fálkahúsinu er ekki hægt að nálgast húsið því að það eru lagðir bílar við gangbrautina þannig að ekki er hægt að komast af henni. Þarna vantar upphækkun þannig að hægt sé að komast að húsunum án þess að bílum sé lagt fyrir.

7. Það er ekki merktur stígur sem liggur á milli blokkanna í Álfheimum og Laugardalsins. Hann byrjar við Gnoðarvoginn næst Glæsibæ og endar við Langholtsskóla.

8. Það er ekki merktur stígur sem liggur frá Álfheimum niður í gegnum Efstasund, Skipasund og endar á stíg nr.2. Þessi stígur hét einhven tíman Brákarsund.

K G H.

Góðan daginn!!

Ég var að kíkja á þetta stígakort.
Ég skil ekki þessa grænu stíga, tengistíga... ég hef ekki tekið eftir því að þessar götur/gangstéttir séu með nokkrum öðrum hætti en aðrar.
Er þetta ósk um að við hjólum frekar þarna en annars staðar?
Svo er þetta kort lýtur voða vel út... en sýnir ekki sannleikann...allt virðist svo beint og auðvelt, en svo þegar betur er að gáð vantar alla hlykkina og kantana.

Bestu hjólakveðjur,
M A