Hjólreiðabrautir
sem útivistarstígar
Á
sama tíma og Reykjavík hefur stækkað hafa útivistarstígar verið lagðir
um víðar grundir. Hins vegar hefur ekkert verið unnið að því að leggja
hjólreiðabrautir sem nýst gætu til samgangna. Því hafa þeir sem stundað
hafa vistvænar samgöngur þurft að fara um tafsama útivistar- og göngustíga
sem því miður er ekki alltaf að finna meðfram helstu umferðaræðum. Því
hafa hjólreiðamenn þurft að fara um hættulegar akbrautir eða það sem
verra er einfaldlega sleppt því að ferðast á hjóli og þess í stað farið
á bíl.
Það má segja að það sé röng stefna og dýr að
leggja eingöngu áherslu á að lagningu útivistarstíga og gleyma samgöngustígum
(hjólreiðabrautum). Því fleiri sem kjósa að ferðast um með vistvænum hætti
þess mun meira sparast í viðhaldi og lagningu dýrra akbrauta. Sérhæfðar
hjólreiðabrautir nýtast nefnileg vel sem útivistarstígar. Að hafa ekki
hugsað fyrir þessu fyrr hefur líka valdið því að vistvæn farartæki hafa
ekki sést hér s.s. sethjól og rafmagnsreiðhjól. Til að slík farartæki
verði raunhæf er ekki nóg að
endurbæta flága eins og Reykjavíkurborg hefur unnið að seinustu ár. Í aðalskipulagi
Reykjavíkurborgar stendur “…að leggja skuli áherslu á að efla vistvænar
samgöngur og stemma stigu við aukna bílaumferð”… Er það nokkuð sem sést hefur áður án þess að farið
hafi verið út í framkvæmdir af fullum krafti. Það verður ekki gert nema
með því að bjóða upp á öruggar og greiðar samgönguæðar sem flestir gætu
hugsað sér að nota og þar sem vistvænum samgöngum er gert jafn hátt undir
höfði og akandi. Þá fyrst gæti Reykjavík talið sig fylgja stefnu Staðardagskrár
21 í umferðarmálum
Ýmsu þarf að breyta svo vistvænar samgöngur geti orðið
að veruleika. Til þess þurfa bæði ríki og sveitafélög að taka höndum
saman.
- Fyrst
af öllu þarf að leggja aðgreinda hjólreiðastíga meðfram helstu
stofnbrautum á Reykjavíkursvæðinu. Ekki á að byggja upp stígakefi miðað
við núverandi umferð. Stígarnir eiga að auka vistvæna umferð og
minnka mengun. Uppbyggingin þarf því að vinnast upp með framtíðarsýn
í huga. Horfa þarf til góðra fyrirmynda og staðla í nágrannalöndunum
s.s. Hollandi, Þýskalandi og Danmörku svo spara megi tíma vinnu og
fyrirhöfn. http://www.cyclecity.dk/
- Samræma
þarf umferðarög milli allra vegfarenda svo jafnræði verði haft að leiðarljósi.
Allir vegfarendur eru jafn mikilvægir í umferðinni. Sömu reglur eiga að
ríkja milli þeirra hvort sem þeir eru gangandi, hjólandi eða akandi.
- Endurhanna
þarf flest gatnamót í Reykjavík í samræmi við það sem gerist í nágrannalöndum
okkar s.s. Hollandi, Þýskalandi og Danmörku. Má þar nefna t.d að hægribeygja
við gatnamót skapar slysahættu auk þess sem hún tefur umferð óvarinna
vegfarenda. Er þetta mikilvæg breyting svo gagnkvæm virðing milli
vegfarenda ríki og akandi umferð lúti ekki sérstökum forgangi í umferðinni
á kostnað annarra. http://www.ltsa.govt.nz/legislation/road_user/rur_left_turn.html
- Taka
þarf niður götuvita handan gatnamóta og hafa þá aðeins að við stöðnunarlínur.
Núverandi fyrirkomulag veldur því að ökumenn fara oft yfir stöðvunarlínu
og stöðva á gangbraut og það skapar slysahættu og tafir fyrir óvarða
umferð. Núverandi
fyrirkomulag vanvirðir umferðarlög bæði viljandi og óviljandi.
- Samræmdar
umferðamerkingar þurfa að vera á stígum og akvegum s.s. stöðvunarlínur,
vegmerkingar, vegvísar, skilti og umferðarljós.
- Leggja
þarf stofnstíga og tengistíga með sama hætti og akvegi. Þeir verði
beinir og greiðir og reynt verði að forðast mikin hæðarmun. Haft verði
að leiðarljósi að þeir nýtist vel til samgangna. Einnig þarf að
finna þeim leiðir sem gerir þá ótvírætt meira spennandi en akvegi
-
- Hafa ber í huga “sértskar íslenskar að stæður” við
lagningu stíga. Má þar nefna að lyfta stígum upp um nokkra sentimetra
svo ekki liggi á þeim bleyta, djúpir pollar eða klaki og snjó skafi af
þeim í vindi. Þetta sparar snjómokstur og verður til þess að enn
fleiri sæju sér fært að hjóla allt árið um kring.
Landssamtök hjólreiðamanna eru ávalt reiðubúin til að
miðla af reynslu sinni og hvetja því opinbera aðila
til að hafa samband við samtökin við uppbyggingu vistvænna samgangna
s.s. hjólreiðabrauta.
Landsamtök hjólreiðamanna
P.O.Box 5193
125 Reykjavík
lhm@islandia.is
http://www.islandia.is/lhm
Til
baka á fundarlista