á Smiðjudaga 1999 í Hveragerði! Smiðjudagar verða að þessu sinni haldnir í Hveragerði í boði félagsforingja, stjórnar og dróttskáta í Stróki, en þeir öflugu krakkar útskrifuðust með forsetamerkið s.l. vor á Bessastöðum. Smiðjudagar eru fyrir dróttskáta og eldri auk þess sem starfandi flokksforingjar geta fengið undanþágu með leyfi félagsforingja síns. Smiðjudagar verða eins og undanfarin þrjú ár byggðir upp í kringum JOTI (Jamboree on the Internet og JOTA (Jamboree on the Air, eða skátamótið í loftinu) sem er árlegt alheimsmót skáta þar sem samskipti fara fram með fjarskiptum ýmis konar. Vinsældir JOTI/JOTA hafa farið vaxandi síðustu ár og þátttaka á Smiðjudaga hefur ávallt farið fram úr björtustu vonum, enda er ávallt "hræódýrt" að sækja þessi mót. Ekki er enn ljóst hvort þeir sem koma til með að styrkja Smiðjudaga ætla að gefa þátttakendum eitthvað, en eins og venjulega, þá fá þeir sem fyrstir skrá sig að ganga fyrir. SSjáið ljósmyndir frá Smiðjudögum 1997 og 1998 með því að velja viðkomandi síður á yfirlitssíðunni.
 | ||||||
