Kæri frambjóðandi.Munt þú koma til með að beita þér
fyrir því að hjólreiðabrautir komist í vegalög, svo hjólreiðar
verði raunhæfur samgöngukostur í þéttbýli?
Kær kveðja
Heimir Viðarsson
|
Sæll Heimir
Takk fyrir fyrirspurnina, sem ég var að taka eftir á síðunni
minni núna.
Ég mun svo sannarlega beita mér fyrir því að hjólreiðar geti orðið raunhæfur
kostur í þéttbýli. Það fellur algerlega inn í stefnu okkar VG að stuðla að því
að fólk geti hjólað meira frekar en að keyra alltaf. Það er líka mikilvægt að
búa svo um að hjólreiðar verði raunhæfur kostur í framtíðinni þar sem við sjáum
fram á að við íslendingar þurfum að taka þátt í því með alþjóðasamfélaginu að
draga úr útblæstri CO2.
Það má vel vera að VG muni einnig beita sér fyrir því að afnema tolla af
rafmagns og metangas- bílum til að það verði líka kostur sem fólk mun velja fram
yfir annað í framtíðinni. Við munum nota allar þær leiðir sem við sjáum færar
til að draga úr útblæstri CO2 hér á landi.
Það er gaman að geta þess að ég sjálf bjó í Danmörku um tíma, í um 6 ár, og þar
fór ég flestra minna ferða á hjóli, en notaði einnig stundum strætó og lestar.
Þar er menningin þannig að ótrúlegur fjöldi fólks hjólar til vinnu eða skóla eða
hvað það nú er, þótt það taki jafnvel 20-30 mínútur eða lengur. Þar sá maður
fólk í jakkafötum og drögtum á hjólum á leið til vinnu og mér fannst þetta alveg
dásamleg menning og full af skynsemi. Þar er því reyndar þannig háttað að
hjólreiðastígar eru út um allt, meðfram götum og alls staðar og inn í
miðborginni kemst maður líka hraðar áfram á hjóli en á bíl. Það tæki auðvitað
tíma að búa svo um að hér gæti slíkt verið raunveruleiki sem víðast um borgina
og nágrenni hennar, en ég tel mikilvægt að vinna að því.
Ég vil líka geta þess að ég sé fyrir mér að koma fyrirraflest eftir stærstu
umferðaræðunum, eins og frá Keflavík og inn til Kringlu og svo frá Mosfellsbæ og
niður að Háskóla eða jafnvel niðrí miðbæ. Slíkt gæti líka komið sér vel fyrir
hjólreiðafólk sem á langt að sækja í skóla eða vinnu, ef það væri á þessum æðum,
þá gæti það tekið hjólin með sér í lestina og hjólað svo restina af leiðinni.
Þetta gerði maður einmitt oft í Danmörku þegar maður þurfti að fara mjög langt.
En samgöngumálin eru eitt af því sem ég hef hugsað mér að beita mér fyrir, og þá
alltaf í ljósi þess að draga úr útblæstri og vera með framsýnar lausnir. Ég tel
XD vera á kolrangri braut með því að hugsa einungis um það að búa alls staðar
til mislæg gatnamót og þar fram eftir götunum til þess að einkabílanotkun haldi
áfram... réttara er að byggja upp kerfi sem fólk er tilbúið að nota þannig að
ekki séu allir á einkabílum. Ég geri mér þó grein fyrir að það munu aldrei allir
hætta að nota einkabílinn, en ég tel að vel sé hægt að draga úr umferð með því
að bjóða upp á mun ódýrari en góða kosti í samgöngum. Kíktu endilega á forsíðuna
hjá mér og sjáðu svör mín við spurningum kjósenda þar sem ég fjalla um
samgöngumálin.
Andrea Ólafs.
www.andreaolafs.blog.is
Sæll Heimir
Ég er fullkomlega fylgjandi því að hjólreiðar verði raunhæfur samgöngukostur í
þéttbýli og er til í að skoða alla möguleika svo að það megi verða að
raunveruleika, þar á meðal að setja hjólreiðabrautir í vegalög.
Ég ætlaði einmitt að vera mjög hagkvæm og umhverfisvæn í haust og hjóla
alltaf í vinnuna en endaði fljótlega með að leggja hjólinu þar sem mér
fannst ég nánast vera í lífshættu í götunum hérna í miðbænum. Á svipuðum
tíma var keyrt á mömmu mína upp á GANGSTÉTT en það sannfærði mig enn frekar að
það þurfi að fara allrækilega í saumana á aðstæðum hjólreiðafólks.
Baráttukveðjur
Auður Lilja Erlingsdóttir
http://www.audurlilja.is/
Sæll vertu Heimir og takk fyrir að senda mér línu.
Já,- ég legg mikla áherslu á að ríkið og sveitarfélögin styðji við sjálfbærar
samgöngur einkum hjólreiðar og almenningssamgöngur bæði til þess að draga úr
umferð einkabíla og mengun af þeirra völdum en einnig til að þeir sem velja
hjólreiðar sem samgöngumáta, geti verið öruggir á sinni vegferð.
Hjólreiðar eru umhverfisvænn og heilsusamlegur ferðamáti og til þess að þær geti
orðið alvöru valkostur í samgöngum þarf að koma stofnbrautum fyrir hjólreiðar
inn á vegaáætlun og tryggja að í skipulagsáætlunum sé gert ráð fyrir hjólreiðum.
Í þéttbýli þarf að rýma til fyrir hjólreiðabrautum og veita þeim forgang þannig
að þeir sem ferðast hjólandi þurfi ekki að vera úti í miðri bílaumferðinni eins
og nú er. Á sama hátt þarf að tengja þéttbýlisstaði saman með neti hjólastíga
þannig að hjólreiðamenn þurfi ekki að fara um þjóðvegina.
Við Vinstri-græn leggjum áherslu á að hjólreiðar verði viðurkenndur samgöngumáti
og teknar inn í samgönguáætlun og á vegalög og höfum ályktað um það. Ég vil
benda þér á þingsályktunartillögu frá í fyrra
http://www.althingi.is/altext/132/s/0056.html en Kolbrún Halldórsdóttir var
fyrsti flutningsmaður hennar. Ég á von á því að tillagan verði endurflutt á
þessum vetri en meðflutningsmenn komu úr öllum þingflokkum.
Hvað varðar almenningssamgöngurnar þá lagði ég á dögunum fram frumvarp um endurg
reiðslu á virðisaukaskatti af nýjum strætisvögnum, en ríkið hefur tekið 250-260
milljónir króna í virðisaukaskatt af 65-70 nýjum almenningsvögnum sem keyptir ha
fa verið til landsins frá árinu 2001. Ef almenningssamgöngur sætu við sama borð
og hópferðafyrirtæki, þá hefðu 170 milljónir króna fengist endurgreitt af þessu
fé. Um það fjallaði frumvarpið mitt
http://www.althingi.is/dba-bin/ferill.pl?ltg=133&mnr=338 Þessar 250
milljónir koma ekki fram sem tekjur í vegaáætlun, heldur runnu beint í
ríkissjóð. Sama er væntanlega uppi á teningnum hvað varðar gjöld af reiðhjólum,
en reiðhjól bera sýnist mér 10% toll og 24,5% virðisaukaskatt. Þessir fjármunir
ættu að skila sér beint í úrbætur í þessum efnum: Framkvæmdir við
hjólreiðabrautir og bætt öryggi hjólreiðamanna.
Mig langar til aðs etja spurninguna og svarið inn á heimasíðuna mína,- hefurðu
eitthvað á móti því??
Bestu kveðjur, Álfheiður.
Sjá
www.alfheidur.hexia.net
„Það mun ég gera, enda fer ég sjálfur allra minna ferða á reiðhjóli og hef ekki
haft bílpróf síðan það rann út þegar ég var 18 ára, árið 1981.
Elías Halldór Ágústsson
http://eliashalldor.blogspot.com/
Sæll Heimir og takk fyrir spurninguna
Já, það mun ég gera. Einkabílanotkun er gífurlega mikil á Íslandi, og eykst frá
degi til dags. Hjólreiðar eru bæði umhverfisvænar og heilbrigðar. Því styð ég og
mun beita mér fyrir málefnum um hjólreiðar.
Kveðja,
Emil Hjörvar Petersen
http://www.emilhp.blogspot.com/
Athugasemdir á síðunni hans
Svarið (skrifað sem færsla á síðunni)
Svona hljóðar athugasemd við seinustu færslu á þessari síðu.
Ég verð að játa að mér finnst mun farsælla og gjöfulla að ræða við fólk beint,
fremur en svona á síðu. Það er vegna ýmissa ástæðna.
Ég get samt svarað þessu, t.d. svona: Það skiptir gríðarlegu máli að fjölga
samgöngukostum í þéttbýli, bæði að styrkja frekar almenningssamgöngur og einnig
með hjólreiðabrautum. Ef það hjálpar til við að ná þeim markimiðum, já þá vil ég
setja hjólreiðabrautir inn í vegalög. Það eitt og sér dugir nú samt varla til -
en skref til framfara eru góð skref.
Gestur Svavarsson
http://www.gammur.blogspot.com/
Ágæti Heimir.
Ég er ennþá að læra á bloggsíðuna mína (kann ekki nærri alla fítusana s.s. svör
við gestabók - læri það vonandi sem fyrsta á næstu dögum!), svo ég vil til að
byrja með amk svara spurningu þinni í tölvupósti.
Ég er sjálf mikil hjólreiðamanneskja og sambýliskona mín fer nær alla sinna
ferða hjólandi hér í bænum. Ég mun svo sannarlega beita mér fyrir því að gera
hjólreiðasamgöngum eins hátt undir höfði og hægt er, enda finnst mér óþolandi
hvernig allt miðast hér við bílaumferð - og meiri bílaumferð. Við eigum að setja
almenningssamgöngur og hjólreiðar í forgang sem hluta af grundvallarvegakerfi
höfuðborgarsvæðisins. Það er óþolandi hvernig ekkert tillit er tekið til
hjólreiðamanna við vegaframkvæmdir - eða í umferðinni almennt. Góðar fyrirmyndir
er t.d. að finna í Danmörku og Hollandi.
Stutt svar er sem sagt stutt og laggott: Já!
Vona að þú sért á sama máli!
Bestu kveðjur,
Guðfríður Lilja Grétarsdóttir
http://www.vglilja.blog.is/blog/vglilja/
Sæll Heimir og kærar þakkir fyrir spurninguna.
Í mínum huga er það engin spurning að auka þarf veg hjólreiðabrauta hér á landi
umtalsvert, bæði innanbæjar eins og við sem höfum komið að borgarmálum hjá VG hö
fum haldið fram og svo ekki síst á milli þéttbýlisstaða. Ég get nefnt eitt dæmi
þar sem verulega skortir á hjólreiðabraut og það er við Reykjanesbrautina.
Sjálfur á ég ættingja í Keflavík og hef margoft langað til þess að hjóla þangað
en mér finnst það erfitt í ljósi þess mikla hraða og umferðarþunga sem þar fer
um. Sama má segja um aðrar leiðir eins og t.d. Suðurlandsveg en hluta af þeim
vegi hjóla ég stundum og mér finnst það ekki vænn kostur að vera á sama vegi og
almenn bílaumferð. Það ætti í raun að vera hjjólreiðabraut meðfram velflestum ef
ekki öllum vegum. Það hefur verið skoðun mín síðna ég bjó í Belgíu fyrir um 10
árum síðan en þar var hægt að ferðast um allt land á sérstökum hjólreiðabrautum.
Ég mun því hiklaust beyta mér í málinu fái ég tækifæri til.
Bestu kveðjur
Jóhann Björnsson
http://blog.central.is/johannbj
Sæll!
Svo er það spurningin: Ég hef unnið með Kolbrúnu Halldórs og fleiri góðum eins
og Magnúsi Bergssyni í umhverfishópi Vg þar sem við höfum rætt mikið um
hjólreiðar sem samgöngumáta og styð því tillögu Kollu eindregið um að
hjólabrautir falli undir vegalög en hún hefur lagt fram tillögu um þetta á
þingi. Ég tel líka mikilvægt að sveitarfélögin móti sér samgöngustefnu út frá
ólíkum samgöngumátum og það gerðum við í Reykjavík þegar ég var þar í forsvari
fyrir umhverfisnefndina, hluti af því er t.d. að hjólareinar liggi meðfram
akbrautum og þær séu lagðar út frá stystu leið milli staða (en ekki bara sem
frístundastígar). Þannig að: Já, það mun ég gera.
Og aukaspurningin... nú máttu velja þrjá í fyrsta sæti, þrjá í annað sæti
o.s.frv. Þannig að er ekki tilvalið að velja okkur öll þrjú í fyrsta sæti? ;o)
Kær kveðja,
Katrín Jakobsdóttir
http://www.katrinjakobsdottir.is/wordpress/
Það hlýtur að vera í samræmi við umhverfisáherlsur flokksins að
hjólreiðasamgöngur verði raunhæfur ferðamáti svo ég mun að sjálfsögðu vilja
stuðla að því. Bílatraffík í borginni er líka allt of mikil með tilheyrandi
mengun og slysatíðni, því ætti flest skynsamt fólk að geta verið sammála.
Kári Páll Óskarsson,
http://kommunan.is/kari/
Þú þekkir greinilega málið sem ég hef flutt nokkuð oft undanfarin ár.....
Svarið er því "Já, ég mun að sjálfsögðu beita mér áfram fyir því að það
nái í gegn og nú er raunar kominn liðslauki, því samgönguráðherra ætlar að setja
áherslur af svipuðu tagi inn í næastu samgönguáætlun. Sjá umræðu um fyrirspurn
frá vara þingmanni Sjálfstæðisflokksins frá því sl. miðvikudag:
http://www.althingi.is/altext/133/11/l22140022.sgml“
Kolbrún Halldórsdóttir
http://www.althingi.is/kolbrunh/
Takk kærlega fyrir góða spurningu:
Munt þú koma til með að beita þér fyrir því að hjólreiðabrautir komist í
vegalög, svo hjólreiðar verði raunhæfur samgöngukostur í þéttbýli?
Svarið mitt:
Hjólreiðar eru afar umhverfisvænn og heilbrigður samgöngumáti. Ég hef og mun
alltaf tala fyrir því að þættir í amstri hversdagsleika okkar verði ekki jafn
umhverfisspillandi og þeir eru í dag. Þá á ég við mengun af völdum aksturs, rusl
sem ekki er endurunnið, efnanotkun sem er óþörf osfrv. Ef hjólreiðabrautir yrðu
að veruleika í vegalögum er ég sannfærð um að það væri mikil hvattning fyrir
borgarbúa að nota frekar hjólið en bílinn. Ég efast þó um að lagabreytingin ein
myndi gera hjólreiðar að raunhæfum samgöngukosti í þéttbýli, enda þarf að fylgja
breytingunni eftir, vekja athygli á henni og kynna hana vel fyrir borgarbúum. Að
því leiti er ég afar hlynnt þessari tillögu. Ég hef reyndar ekki áður hugsað út
í það hvort ég myndi gera þetta að umtalsefni á Alþingi. Aftur á móti lofa ég
þér, kjósandi góður, að leggja fram þetta mál ef ég verð þingkona fyrir Vinstri
Græn á næsta kjörtímabili. Um leið þakka ég þér fyrir ábendinguna. Ég myndi
aðsjálfsögðu skoða málið betur ef til þess kæmi og þá hef ég jafnvel samband við
þig aftur.
Ef þú hefur fleiri spurningar, ekki hika við að hafa samband.
Kær kveðja
Kristín Tómasdóttir
http://www.kristintomasdottir.blogspot.com/
Sæll
Ég sé ekkert því til fyrirstöðu að hjólreiðabrautir komist í vegalög, svo
hjólreiðar verði raunhæfur samgöngukostur í þéttbýli.
Kveðja,
Kristján Hreinsson
http://kristjanh.blog.is/blog/kristjanh/
Sæll Heimir,
ég get sedm stendur eingöngu svarað þér persónulega!
Þetta er eitt af þeim atriðum sem mér finnst algerlega ábótavant hér á landi...
hef sjálf búið í Þýskalandi þar sem unaður er að hjóla eftir þar til
gerðum götum! Svo ég segi já ef ég fæ einhverju ráðið !
Mireya Samper
www.mireya.is/wp/
„Ég sendi þér svarið sem ég svara á blogginu.
Ég tel að hjóreiðar séu mjög sniðugur kostur í samgögnum og ég tel einnig að
hjólreiðar eigi ekki við um bíla þannig að ég er mjög hlyntur því að efla
hjólreiðastíga, auk annara aðferða sem minnka bílanotkun íslendinga.
Ólafur Arason
http://www.olafura.com/
Sæll Heimir
Takk fyrir þessi spurning. Svarið mitt er já, auðvitað. Sem blaðamaður gert
ég rannsókn um skipulagsmál Reykjavíkur og það sem kom mér mest á óvart er
hversu mikið bílaborg Reykjavík er. 50% svæðinum er notað í þjónusta
bílsins, á meðan strætokerfi er að tapa fé og hjólreiðabrautir eru ekki til.
Sem alþingismaður myndi ég krefst þess að fleiri hjólreiðabrautir komist í
vegalög, sérstakalega í miðbæinn. Líka ætli ég að leggja fram áherslu á að
skapa fleiri gönguleiðir, og að bílanotendar borga sérstök gjáld til að
keyra bílinn sinn niður í bæinn um morgnanna og kvöldum, till þess að minnka
umferðinum, hreinsa loftinum, og borga fyrir skemmning á veginum sem er
nattúralega hluti af bílaumferðinum.
Takk fyrir,
Paul F. Nikolov
http://www.paulfnikolov.blogspot.com/
Steinar Harðarson
„Ég hef fengið fyrirspurn um það hvort ég muni beita mér fyrir því að
hjólreiðabrautir komist á vegalög og hvort ég líti á hjólreiðar sem raunhæfan
samgöngukost í þéttbýli. Ég skal með ánægju svara því:
Ég er mjög fylgjandi því að hjólreiðabrautir komist á vegalög og tel að
hjólreiðar séu sannarlega raunhæfur samgöngukostur í þéttbýli. Það væri gott
skref í þá átta að draga úr ókostum einkabílastefnunnar. Hjólreiðar eru
umhverfisvænn samgöngumáti, laus við mengun og laus við þá orkusóun sem er
fylgifiskur einkabílastefnunnar.
Steinar Harðarson
http://steinarh.blog.is/blog/steinarh/
Sæll Heimir,
Jú ég er frambjóðandinn Steinunn og já það er búið að vera bölvað vesen með
kaninkuna. Mér er þó tjáð að hún eigi að fara að komast aftur upp. Ég vona svo
sannarlega að svo verði.
Varðandi spurningu þína þá tel ég mjög þarft að menn beiti sér fyrir því að koma
hjólreiðum á kortið sem raunhæfum samgöngukosti í þéttbýli. Þetta er tiltölulega
ódýr, umhverfisvænn og heilsusamlegur samgöngumáti og því mikilvægt að honum sé
haldið á lofti og að gert sé ráð fyrir honum í vegaáætlunum.
Ég viðurkenni að ég hef ekki gert hjólreiðar og umhverfi þeirra að einu af
helstu baráttumálum mínum - svona er ég sjálfhverf en ég hef ekki sest upp á
reiðhjól í um 10 ár vegna jafnvægisleysis sem fylgir taugasjúkdómi sem ég er
með. Það er hinsvegar léleg afsökun fyrir manneskju sem vill að mark sé tekið á
henni sem stjórnmálamanni að hún beiti sér ekki í málum sem snerta hana ekki
persónulega.
Ég mun því í framtíðinni taka mig á og auka þekkingu mína á málefnum
hjólreiðamanna og leggja mitt af mörkum til þess að hjólreiðabrautir komist í
vegalög.
Ég myndi vilja sjá að hjólreiðastígar væru lagðir samhliða öllum nýjum vegum og
að búið verði til pláss fyrir hjólreiðamenn við eldri vegi. Betri aðbúnaður til
hjólreiða myndi vonandi draga úr einkabílisma og draga þannig úr þeirri mengun
sem honum fylgir.
Kveðja,
Steinunn Þóra Árnadóttir
http://kaninka.net/steinunnthora/
„Já!"
Með bestu kveðju,
Þórir Steingrímsson
http://www.thorir.is
Ögmundur Jónasson
Sæll. Erindi þínu svara ég játandi. Til þess að fá
hjólreiðastíga inn í samræmda samgönguáætlun verða stígarnir að vera inni í
vegalögum sem hluti samgöngukerfisins, þar með yrðu þeir eyrnamerktir inn í
fjárlög. Þessu til viðbótar þarf að gera ráð fyrir hjólreiðastígum inní
skipulagslög sem eðlilegum þætti í samgöngumálum hvers sveitarfélags.
Kveðja,
Ögmundur Jónasson
http://www.ogmundur.is/
Árni Þór Sigurðsson,
Spurning sett fram í gestabók á bloggi:
http://arnith.blog.is/blog/arnith/guestbook/
Benedikt Kristjánsson
Spurning sett fram í gestabók á bloggi:
http://www.blog.central.is/benedikt_?page=guestbook
Sveinbjörn Markús Njálsson
Spurning sett fram í gestabók á bloggi:
http://smn.blog.is/blog/smn/
Friðrik Atlason
Spurning sett fram í gestabók á bloggi:
http://fred.blog.is/blog/fred/
