Í tengslum við Evrópska samgönguviku 16.-22. september 2003 var haldinn Hjólreiðadagur 17. september. Af því tilefni var leiðakort útivstarstíga afhjúpað með viðhöfn. Er það staðsett við vesturenda göngubrúarinnar yfir Kringlumýrarbraut í Fossvogi.  Mætti þar talsverður hópur hjólreiðafólk á fákum sínum. Voru þar á meðal Árni Þór Sigurðsson forseti borgarstjórnar og formaður samgöngunefndar. Sif Friðleifsdóttir Umhverfisráðherra, reiðhjólalögreglan, auk helstu manna gatnamál í Reykjavík og þeirra sem að samgönguvikuni stóðu.

Þó skiltið auki ekki öryggi gangandi né hjólandi vegfarenda eða komi vegfarendum fyrr á leiðarenda þá er þetta afskaplega skemmtileg framkvæmd. Það nýtist þeim nokkuð vel sem ekki þekkja göngu og útivistarstígana í Reykjavíkur. Kortið sýnir helstu stíga í Reykjavík og vegalengdir í km. Auk þess má finna staðsetningu þjónustu af ýmsu tagi. Á skiltinu sem og undir því er að finna galdrastaf sem segir: Sá sem ber þennan staf mun ekki villast í hríð eða verða úti, og eins rata þó ókunnugur sé.

Umhverfi skiltisins er snyrtilegt. Með "alvöru" hjólastæðum, ruslastömpum og bekkjum sem snúa til austurs og vesturs. Það má því óska útivistarfólki til hamingju með bætta aðstöðu þó umferðaniðurinn frá Kringlumýrarbraut geri vistina á þessum stað ekki beinlínis rómantíska.