Markmið samkvæmt lögum félagsins:

“Efla hjólreiðar á Íslandi. Samtökin skulu útbreiða og efla hjólreiðar sem keppnisíþrótt, fjölskylduvæna almenningsíþrótt, heilsusamlegan lífsmáta og einnig sem samgöngutæki. Samtökin beita sér af því tilefni fyrir margvíslegu íþróttastarfi meðal einstaklinga, hópa t.d.á vinnustöðum og standa fyrir hverskonar fræðslu- og kynningarstarfsemi í samstarfi við félög og áhugafólk á öllum aldri.”
Enn fremur leggja áherslu á:
-að verði bætt samgöngukerfi fyrir hjólreiðafólk
-að verði aukið öryggi hjólreiðarmanna í umferðinni.
-að hjólreiðar verði kynntar sem samgöngumáti.
-að samtök hjólreiðamanna fái aðild að ÍSÍ

- Samskipti við löggjafann.
- Samskipti við Umferðarráð.
- Fá hjálmanotkun lögboðna meðal allra aldurshópa ?
- Stuðla að bættum samgönguleiðum fyrir hjólreiðamenn milli sveitafélaga.
- Almannaréttur.
- Fjáröflun.
- Kynningar og útgáfumál.
- Umferðaröryggi.
- Samskipti við ÍTR, ÍSÍ, Íþróttir fyrir alla o.s.frv.
- Samskipti við hjólreiðafélögin ÍFHK og HFR.
- Samskipti við erlenda aðila sem starfa á sama vettvangi.
- Stuðla að stofnun fleiri samtaka og félaga hjólreiðamanna í landinu og endurvekja eldri félög
- Skjalasafn samtakanna.
- Safna skýrslum um slys sem hjólreiðamenn lenda í
- Safna saman lögum og reglugerðum sem varða hjólreiðamenn.
- Vegalög og vegagerðarstaðlar
- Kynningar og auglýsingar í fjölmiðlum.
- Bætt umferðarsiðferði hjólreiðamanna.
- Skilti á göngu og hjólreiðastígum

-Samskipti við löggjafann.
Efla kynningu á málefnum hjólreiðamanna meðal þingmanna svo að hjólreiðastígar komist í vegalög.

-Umferðarráð.
Samtökin taki þátt í starfi umferðarráðs og kynni þar málefni hjólreiðamanna.

-Fá hjálmanotkunn lögboðna fyrir alla aldurshópa.
Reka áróður í fjölmiðlum fyrir notkun hjálma. Afla tölfræðilegra gagna um gagnsemi hjálmanotkunar og slys erlendis og innanlands.

-Stuðla að bættum samgöngleiðum hjólreiðamanna milli sveitafélaga.
Taka upp samvinnu við Vegagerð ríkisins um bættar samgönguleiðir hjólreiðamanna milli staða:
Hafnarfjörður – Reykjavík – Mosfellsbær
Akranes – Borgarnes – Stykkishólmur
Patreksfjörður – Þingeyri – Ísafjörður
Borgarnes – Akureyri
Mývatn – Húsavík – Raufarhöfn – Vopnafjörður
Egilsstaðir – Seyðisfjörður – Reyðarfjörður – Höfn
Kirkjubæjarklaustur – Vík í Mýrdal – Hvolsvöllur – Selfoss – Hveragerði
Grindavík – Keflavík - Njarðvík
Keflavík – Reykjavík – Hveragerði

-Almannaréttur.
Vinna að því að endurskoðuð verði lög um umferð almennings um landareignir og almenninga.  Hafa mætti samstarf við Ferðafélag Íslands, Landssamtök stangveiðimanna, Útivist og fleiri og heyra álit þeirra á þessu máli.

-Fjáröflun.
Afla samtökunum rekstrartekna t.d. með útgáfu árbókar að vori með aðstoð hjólreiðaverslana, styrkjum frá ríki og sveitarfélögum eða öðrum.

-Kynningar og útgáfumál.
Hvers kyns kynning á hjólreiðum og samtökunum í fjölmiðlum. Birta grein í hverjum Hjólhesti sem kemur út.

-Umferðaröryggi .
Hvaða lög gilda um reiðhjól og hjólreiðar barna og fullorðina? Hvetja lögreglu til eftirlits á reiðhjólum?
Efla fræðslu meðal almennings um hjálma- og ljósanotkun.Virkja skólakerfið.

-Samskipti við ÍTR, ÍSÍ, Íþróttir fyrir alla o.s.frv.
Efla samvinnu við sem flest félagsamtök og stofnanir sem vinna að íþróttum, útivist og félagsmálum.

-Samskipti við aðildarfélög LHM
Kynna starfið fyrir félögunum t.d. í Hjólhestinum, Umhverfisnefnd  ÍFHK og fréttabréfi HFR

-Stuðla að stofnun félaga hjólreiðamanna  í landinu og endurvekja önnur

-Skjalasafn samtakanna.
Varðveita og flokka skjölog önnur gögn, svo það nýtist í starfi LHM í framtíðinni.

-Safna skýrslum um slys sem hjólreiðamenn lenda í.

Lög Landssamtaka hjólreiðamanna