Mættir voru:

Guðbjörg Lilja Erlendsdóttir (gle), Haraldur Tryggvason (HT), Gunnlaugur Jónasson (GJ), Magnús Bergsson (MB), Magnús Már Halldórsson (MMH), Óskar Dýrmundur Ólafsson (ÓDÓ).

Arnþór Helgason (AH) boðaði forföll.

Stjórnin skiptir með sér verkum:

Eftirfarandi skipan var samþykkt:

Formaður: gle
Varaformaður: MB
Gjaldkeri: MMH
Ritari: AH
Meðstjórnandi: HT
Varamenn: GJ og ÓDÓ

Umferðarráð:

ÓDÓ, sem er aðalfulltrúi hjólreiðamanna í Umferðarráði, óskaði eftir staðgengli sem færi í hans stað á fund Umferðarráðs 8.júní, að fengnu leyfi frá Óla Þórðars.. GJ tók að sér að fara. gle hringir í Umferðarráð og fær leyfi.

Hann óskaði einnig eftir því að dómsmálaráðherra yrði ritað bréf og óskað eftir því að nýjir fulltrúar yrðu skipaðir, aðalmaður úr aðalstjórn Landssamtakanna. GJ ætlaði að íhuga hvort hann tæki það að sér.

Skiltamerking stíga:

gle var með kort af Reykjavík vestan Elliðaáa sem HT fékk til að vinna hugmyndir að staðsetningu og tegundum skilta. HT ætlaði að fá til liðs við sig MB og fleiri úr ÍFHK.

Stígar í nágrenni höfuðborgarsvæðisins:

MMH kom með tillögu um að útbúa kort þar sem merktir væru inn hjólreiðafærir stígar/vegir í nágrenni höfuðborgarinnar. Vel var tekið í það, hvort sem það væri útgefinn bæklingur eða eitthvað minna í sniðum.

Talning hjólreiðamanna:

gle ætlar að vinna að þessu verkefni í samstarfi við HT og ÍFHK. Stefnt er að því að telja einu sinni í mánuði í maí til ágúst en sjá til með framhaldið í kjölfarið af því. Fjöldi gatnamóta og tími sem talinn er fer eftir fjölda sjálfboðaliða sem fæst.

Þingsályktunartillaga

GJ, MMH og HT taka að sér að undirbúa þingsályktunartillögu og kalla þá til verkefnissins sem þurfa þykir.