|
30. október 2003
Einnig má spyrja hvers vegna ekki var ákveðið að hafa heila eða brotna miðjulínu þar sem umferðarreglur hefðu þá verið í samræmi við umferðarreglur á akvegum? Ástæða þess að Landssamtök hjólreiðamanna óska eftir skýringu er sú að núverandi fyrirkomulag kallar á ruglingslegar umferðarreglur og slysahættu því samfara. Þannig er t.d. ekki sama hvort hjólreiðamaður mætir gangandi eða hjólandi vegfarendum á stíg sem hefur hjólaræmu vinstra eða hægra megin í aksturstefnu, nú eða enga hjólaræmu. Dæmi um óskrifaðar umferðareglur á göngustígum borgarinnar: Þegar hjólaræma er ekki til staðar á göngustíg þá ríkir hefðbundin hægriregla og varúðarregla. Ef hjólaræman er vinstra megin í ferðastefnu þá þarf að taka fram úr hægra megin en vinstra megin ef mætt er gangandi vegfaranda. Hjólreiðamenn geta ekki mæst á hjólaræmunni. Ef hjólreiðamaður mætir eða fer fram úr öðrum hjólreiðamanni þá þarf hann að víkja til hægri út á göngustíginn sem skapar óvissa réttarstöðu fyrir hjólreiðamanninn ef slys verða. Þegar hjólaræman er hægra megin í ferðastefnu þá á hjólreiðamaður ekki að víkja fyrir umferð sem kemur á móti, heldur halda sig sem lengst til hægri á stígnum. Hann þarf hins vegar að víkja til vinstri út á göngustíginn þegar taka þarf fram úr öðrum hjólreiðamanni. Á sama stígnum getur hjólaræman verið stundum hægra
megin og stundum vinstra megin og þess á milli engin hjólaræma eins og
á Fossvogsstígnum. Ástandið getur því verið mjög ruglingslegt og
sérstaklega þegar ekki er búið að gefa út neinar sérstakar
umferðareglur á þessum stígum. Til að þessu ófremdarástandi linni, óska Landssamtök hjólreiðamanna eftir umferðarreglum eða úrbótum á þessum göngu- og hjólastígum, frá Dóms- og kirkjumálaráðuneytinu. Landssamtök hjólreiðamanna eru einnig tilbúinn að vinna með ráðuneytinu í þessu máli þegar það verður tekið fyrir. Með von um góð viðbrögð, Magnús Bergsson http://islandia.is/lhm |