Sælir félagar.

Búin að tala við Ólaf Stefánsson, gekk bara ágætlega. Auðvitað eru alltaf skýringar á öllum mögulegum ómögulegum hlutum, mis langsóttar og réttmætar en hvað um það. Hann sagði að það væri gott að fá athugasemdirnar svona skýrt framsettar svo hann gæti veifað þessu framan í þá sem hann þyrfti.

Niðurstöðurnar eru eftirfarandi:

Gullinbrú Kannaðist ekki við nema hluta af stígnum sem verður kláraður í sumar

Hitaveitustokkur Er ekki formlegur stígur. Stígurinn liggur aðeins öðruvísi skv. aðalskipulagi (er ekki kominn) en hann ætlaði að reyna að koma því inn á framkvæmda áætlun næsta árs.

Laugarnes Því miður ekkert hægt að gera. Hjólreiðamenn ættu prinsiplega séð að teyma hjólin þegar þeir fara á móti umferð. Ekki von á neinu fyrr en Sæbraut verður breikkuð.

Hlykkir á Sæbraut Verða lagaðir næsta eða þarnæsta haust í tengslum við framlengingu á frárennslinu. Að minnsta kosti við þá staði.

Loftleiðir Stóð í þeirri meiningu að stígarnir væru tengdir með malarstíg. Ætlar að beita sér fyrir því að verði klárað. Jafnvel setja upp bráðabirgðaskilti til leiðbeininga.

Miklabraut Hangir á spítu með skipulagi Kringlusvæðisins. Leigusamningi við Fram o.s.frv. Gerist því ekki strax, en hann er hjartanlega sammála.

Sæbraut milli Skeiðarvogs og Sæviðarsunds Var búið að hanna en stoppaði á fyrirhugaðri Sundabraut (sem honum fannst ekki ástæða til). En hvað um það, málið er líklega jafnfrosið og áður.

Hann kvatti okkur svo til að hafa óspart samband við Hverfamiðstöðvar viðkomandi hverfa til að koma athugasemdum á framfæri. Við þurfum að vera duglegri við það, ekki bara amast yfir hlutunum.

Smá umræða um merkingar spannst í sambandi við stíginn við Loftleiði og við hitaveitustokkinn í Elliðaárdalnum. Auðvitað vilja allir merkja en það vantar að leggja línurnar um það, samræming og skipulag. Það er ekki á hans könnu heldur annarra þarna innanhúss. Hann ætlaði að reyna að koma þessu áfram en fæ ég umboð frá LHM til að vasast aðeins í þessu um merkingarnar fyrir hönd LHM? Ég er ekki að lofa neinu en ég ætla að reyna að koma þessu inn á réttan stað. 

Kveðja
Guðbjörg Lilja :c)