Ágæti lögreglustjóri.
Ástæða þessa bréfs er það ástand sem nú hefur skapast á gangstígum borgarinnar vegna lausagöngu hunda.
Þetta hefur stóraukist nú upp á síðkastið og er svo komið að skv. áætlun okkar, ef varlega er áætlað, má búast við níu lausum hundum á móti hverjum einum sem hafður er í bandi á klukkutíma hjólaferð um stíginn.
Ástandið er hvað verst á stíg þeim er liggur meðfram norðurströnd borgarinnar og um Fossvogsdal og Elliðaárdal. Þessi stígur er ein aðal samgönguæð þeirra sem ferðast um á reiðhjólum og má segja að þeir eigi ekki ekki aðra valkosti . Nú er svo komið að lausir hundar skapa mikla hættu fyrir hjólreiðamenn á þessum stígum svo ekki sé minnst á þá hættu sem dýrin sjálf eru í.
Þetta á sérstaklega við nú í skammdeginu þegar hundarnir eru á hlaupum langt frá skynlausum eigendum sínum og birtast svo skyndilega utan úr myrkrinu framan við ferðalanga án nokkurrar viðvörunar. Þetta er að sjálfsögðu jafn hættulegt lífi bæði hjólreiðamannsins og hundsins.
Við hjá Landsamtökum hjólreiðamanna
viljum fara þess á leit við Lögreglustjóra
að tekið verði fyrir þetta athæfi hið snarasta
og lögreglan ferðist með jöfnu millibili um stíginn
eins og aðra staði þar sem löggæslu er þörf.
Þeir gætu einnig tekið á því vandamáli
og þeirri hættu sem gangandi vegfarendur án endurskins
og ljóslausir hjólreiðamenn skapa fyrir aðra vegfarendur.
Með vinsemd og virðingu,
f.h. Landssamtaka Hjólreiðamanna
Gunnlaugur Jónasson, formaður
LHM
Hávallagötu 38
101 Reykjavík
Samrit:
Umferðar og skipulagsnefnd Reykjavíkur
v/ Guðrún Ágústsdóttir
Heilbrigðiseftilit Reykjavíkur