Helgarstemmning á Valentínusardegi

Hér á Bárugötunni var allt með hversdagslegu sniði þrátt fyrir að dagurinn sé víst tileinkaður ást og vináttu! Enda ást og vinátta sem betur fer hluti af hvunndagslífi okkar! María tók því rólega í hádeginu og fékk sér jógúrt!

Hugi var aðeins ákafari því það dugðu ekki færri en þrjár skeiðar til að sporðrenna þessum hálfa desilítra af jógúrti sem hann fékk sér!!!

Eitthvað er hann nú þreytulegur þó hann fengist ekki til að leggja sig svo heiti gæti yfir daginn. Reyndar tók hann smá lúr seinni part dags í fyrstu bíóferð ævi sinnar!!! Ekki hefur það nú verið mjög spennandi mynd! Honum kippir ef til vill í kynið enda móðir hans með eindæmum bíólöt kona!!!